Ferrol, 23 de agosto. CCOO Industria de Galicia insta ás Administracións Públicas, tanto a Xunta como ao Goberno central, a exercer as súas competencias e acelerar a posta en marcha de instalacións renovables como ferramenta para amortecer a perda de emprego derivada dunha transición enerxética mal planificada e poñer freo ao disparate no prezo da luz.
A transición enerxética no Estado dista moito de ser xusta para as traballadoras e traballadores do sector enerxético que están a padecer as súas consecuencias: a destrución dos seus empregos ou, no mellor dos casos, a incerteza do futuro froito da desorde e das sucesivas contradicións nas decisións políticas.
O Goberno errou. Antes de promover novos escenarios de produción enerxética sostible, desmantelaron anticipadamente as fontes de xeración tradicionais coas consecuencias que xa coñecemos: a alza dos prezos da enerxía eléctrica, día tras día batindo recórds nun coste ineludible que asumen familias e empresas.
As Administracións públicas veñen demostrando que son incapaces de frear o incremento estratosférico no prezo da luz, e as opcións que barallan topan coa realidade dun sistema normativo creado a medida das empresas para eximir ao oligopolio eléctrico de todo control por parte dos cidadáns.
Desde CCOO Industria defendemos que a solución pasa por acelerar ao máximo a posta en marcha de instalacións de enerxías renovables. Isto permitiría, en primeiro lugar, a absorción do emprego que se destrúe nun proceso de transición enerxética pouco planificado e sen alternativas, sempre que se vincule á instalación de novos parques de enerxías renovables a proxectos industriais que comporten a fabricación de compoñentes ou elementos auxiliares priorizando a compoñente local, para evitar a desertización territorial.
En segundo lugar, a aposta polas renovables supón asegurar que a fixación dos prezos non a determinen as fontes de enerxía cun custo de produción máis elevado como o gas natural- o que está a acontecer agora mesmo- o que reduciría os prezos medios da electricidade ao relegar ás fontes de xeración máis caras.
Desde CCOO defendemos que urxe lexislar a modificación do mercado almacenista da electricidade e acelerar o anteproxecto de correcion do dividendo do dióxido de carbono (CO2) a través dun Decreto Lei, reclamando a liquidación dos costes de transición á competencia (CTCS) das eléctricas e potenciando o mercado de capacidade para unha maior seguridade de subministración.
“É imprescindible que Xunta e Goberno central, tanto o señor Feijóo como a ministra Ribera entendan a urxencia de crear unha empresa pública da enerxía para intervir no sector”, sinala Victor Ledo, secretario xeral de CCOO Industria. ¿Como? Ben sexa a través de formas de xeración, nos sistemas de almacenamento enerxético, nos mercados almacenistas e mercado de capacidade, na regulación da distribución eléctrica ou coa participación pública en todos os proxectos de enerxías renovables que entren en poxa pública.
Por último, desde CCOO Industria de Galicia instamos a todas as forzas políticas a deixar a marxe a confrontación e traballar axiña na solución do problema enerxético do que depende a boa marcha da economía xeral. Urxe que apoien o despegamento das instalacións de enerxías renovables priorizando a solución laboral dos traballadores expulsados nunha transición inxusta empurrando o desenvolvemento local nos lugares onde se localiza o recurso enerxético renovable.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
