Viveiro, 26 de agosto de 2021. O Concello de Viveiro informa que o Comité Clínico anunciou que a partir deste sábado, 28 de agosto, Viveiro pasará ao nivel medio-baixo de restricións sanitarias. O municipio abandona así o nivel medio tras a mellora dos datos epidemiolóxicos.
Segundo os datos facilitados polo Sergas, nos últimos 7 días diagnosticáronse en Viveiro 13 novos casos, situando a incidencia acumulada entre 75 e 125. Con respecto aos datos dos últimos 14 días, rexistráronse 32 novos casos e a incidencia acumulada sitúase entre 150 e 250.
Cando estas novas medidas entren en vigor, tras a súa publicación no Diario Oficial de Galicia, nos establecementos de hostalería o aforo máximo no interior do local será do 75% e nas terrazas será do 100%. O peche da hostalería continúa sendo ás 23:00 horas, ampliable ata as 1:00 horas con determinados requisitos.
No caso do ocio nocturno, o aforo máximo no interior continúa sendo do 50%, ampliándose o aforo nas terrazas ao 100%. O horario de peche continuará sendo ata as 03:00 horas para o ocio nocturno.
Ademais, manterase vixente a prohibición das reunións entre non convivintes entre as 3:00 e as 6:00 horas. Fóra destes horarios, as xuntanzas non poderán superar as 6 persoas en interiores e as 10 ao aire libre.
Estas novas medidas entrarán en vigor ás 00:00 horas do sábado, unha vez que sexan publicadas no Diario Oficial de Galicia. Ata entón, mantéñense as anteriores restricións, implicando un aforo do 50% no interior da hostalaría e un 75% nas terrazas do ocio nocturno.
A pesar da melloría dos datos epidemiolóxicos, dende o Concello de Viveiro continúase apelando á prudencia para evitar novos contaxios e reducir o número de casos activos.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
