RIBADEO.- A CIG Ensino manifesta o seu rexeitamento á decisión da Consellaría de Educación de reducir drasticamente as ensinanzas de adultos na Comarca da Mariña. Isto e o que se extrae da Orde publicada onte no DOG na que aparecen as ofertas nos diferentes centros de ensino na modalidade de adultos.
A maioría dos centros da Mariña que estaban impartindo as ensinanzas de adultos ven reducida a súa oferta ao cambiarlles o tipo de modalidade presencial pola de a distancia semipresencial. Nesta situación quedan o bacharelato (de humanidades e ciencias sociais) no IES Monte Castelo de Burela, a educación secundaria e o bacharelato (humanidades e ciencias sociais) no IES de Foz e o bacharelato (ciencias e tecnoloxía e humanidades) no IES Dionisio Gamallo Fierros de Ribadeo. Para a CIG-Ensino, esta decisión vén a confirmar realmente a intención da Consellaría de recortar drasticamente o gasto no ensino público non universitario, principalmente no ámbito rural e de vilas pequenas, mentres segue subvencionando e beneficiando ao ensino privado. A redución do ensino de adultos non ten xustificación porque o número de alumnos/as que asistían a estes cursos era suficiente para seguir manténdoos.
Para a CIG-Ensino as consecuencias desta decisión unilateral da Consellaría van a ser moi negativas principalmente porque levará consigo una redución das horas a impartir de forma presencial en cada modalidade e consecuentemente una redución do profesorado nos centros. Así mesmo, supón o empeoramento dunha educación que se ampara no dereito á formación de aquelas persoas que non tiveron a posibilidade de realizar estudios ou que queren completalos así como para corrixir os riscos de exclusión social dalgúns colectivos. Neste sentido tamén é grave a eliminación de facto das ensinanzas a inmigrantes que se estaban impartindo no Monte Castelo co que un gran número de alumnos/as que asistían a estes cursos non poderán realizalos o curso que vén.
A CIG-Ensino bótalle en cara á Consellaría que esta resolución tomouse totalmente ás costas da comunidade educativa e tanto profesorado como os centros educativos se enteraron da mesma por sorpresa a través do DOG. Rexeitamos pois, esta maneira de actuar da Consellaría de Educación da Xunta de Galiza totalmente ditatorial e que antepón outros intereses aos intereses públicos da educación, algo que ven sendo habitual desde a Consellaría de Educación, como pasou hai poucos días tamén coa eliminación de ciclos formativos ou de comedores escolares.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
