Ribadeo, 4 de setembro de 2021. O salón de plenos do Concello acolleu esta tarde a presentación da reedición do libro O Camiño de Santiago de José Luis Trashorras, quen fora alcalde e membro da Corporación Municipal de Ribadeo entre os anos 1979 e 1987.
Familiares, compañeiros e veciñanza de Ribadeo asistiron ao acto, que se encargou de conducir o cronista oficial, Eduardo Gutiérrez, e que presidiron o alcalde, Fernando Suárez, e a concelleira de Cultura, Pilar Otero.
A edil ribadense dixo que “quixemos homenaxear e lembrarnos de José Luis Trashorras nestas non festas facendo unha reedición deste romance, que foi traducido ao galego”.
Aquelas persoas que queiran facerse con algún exemplar de O Camiño de Santiago poden dirixirse á oficina de Concellaría de Cultura, situada na Casa del Viejo Pancho.
A programación do Concello de Ribadeo para rememorar as festas patronais arrincou esta mañá co pasacalles que ofreceu o Cuarteto Illa Pancha, seguiu esta tarde coa presentación do libro e coa Noite de Blues, que protagonizarán Martins Aneiros Band e Travelling Brothers.
Mañá, 5 de setembro, actuará a Banda A.C. Os Xoglares de Lemos O Folión ás 13:30 horas e ás 20:00 haberá pasacalles de Os Misturos.
Rememorando as Patronais seguirá ata o 8 de setembro, Día da Patroa.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
