Ribadeo, 7 de setembro de 2021. O Concello de Ribadeo abriu expedientes sancionadores a persoas e empresas por deixar restos de podas na vía pública, por mexar na rúa e por abandono de enseres.
O concelleiro de Medio Ambiente, Jorge Díaz Freije, lembrou que “a nova ordenanza de limpeza e xestión de residuos entrou en vigor hai unhas semanas e estamos empezando a aplicala coa intención de evitar comportamentos incívicos da veciñanza e das empresas”.
O edil ribadense contou que “acabamos de abrir expediente sancionador a varias persoas, nun caso por deixar restos de podas na rúa, cando saben perfectamente que iso non se pode facer; noutro por deixar abandonados enseres na vía pública, cando toda a veciñanza é coñecedora do servizo de recollida do que dispoñemos. O único que teñen que facer é solicitalo. Estamos ante condutas que se repiten máis veces das desexables, porque un pódese despistar un día, pero ser reincidente non”.
Díaz Freije seguiu a relatar que “outro dos expedientes abertos foi a unha persoa por mexar na rúa. A estas alturas do século XXI que se produzan estes feitos é lamentable. E outro caso que nos chamou a atención e estamos en proceso de apertura do correspondente expediente sancionar é o dunha poda realizada por unha empresa nun concello veciño da que os restos foron abandonados en Ribadeo”.
O concelleiro de Medio Ambiente advirte que “as multas das que estamos a falar por cometer este tipo de infraccións incívicas empezan nos 750 euros. Non queremos que despois a xente se leve as mans á cabeza. Para ter un Ribadeo o máis limpo posible temos que concienciarnos todos e todas diso”.
E engadiu: “e non nos fartaremos de insistir e de recordalo cantas veces sexa necesario. Como o facemos no caso do lixo, pedíndolle á veciñanza (sexan particulares ou empresas) que non o depositen nos contedores ata a noite para evitar malos cheiros na época estival na rúa. E aínda así un día e outro tamén vemos como o lixo se saca a calquera hora do día. Seguimos insistindo en que as empresas dispoñen dun servizo de recollida de cartón porta a porta dous días á semana e que os contedores do cartón son para que as veciñas e os veciños de Ribadeo poidan deixar comodamente os seus cartóns. E día tras días vemos caixas a carón dos contedores, moitas veces baleiros, que foron abandonadas sen xeito, porque iso é moito máis cómodo. Temos un punto limpo e temos outros puntos instalados en diferentes localizacións da nosa vila para depositar pilas, radiografías, luminarias, etc, etc… todas e todos temos que concienciarnos da importante que ten todo isto para ver un Ribadeo o máis limpo posible e para que a nosa natureza de resinta o menos posible”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
