Viveiro, 8 de setembro de 2021. O Concello de Viveiro informa do voto a favor do equipo de goberno á moción para a creación dun skate park no municipio. A moción, presentada polo BNG, é tamén unha proposta que o grupo municipal PSdG-PSOE xa incluía no seu programa electoral e na que xa se está a traballar.
De feito, o goberno municipal xa conta co orzamento dunha empresa especializada para a creación do skate park, cun importe que ronda os 80.000 euros. Tal e como se explicou durante o debate desta moción, a pandemia obrigou a reorganizar os programas e asumir gastos imprevistos, pero a creación dunha pista de skate estaba prevista e, polo tanto, a moción contou co voto favorable do equipo de goberno.
Con todo, dende o goberno municipal faise fincapé na necesidade de contar cuns orzamentos para poder levar a cabo calquera tipo de iniciativa ou actuacións. O goberno municipal explica que aínda que se propoña a execución de obras ou proxectos a través de subvencións, cómpre ter en conta que en practicamente todos os casos a financiación non é total, xa que a axuda non cubre o 100% do custe e se fai precisa a achega municipal.
Nese sentido, lémbrase que o BNG e o PP votaron en contra dos orzamentos municipais e que, polo tanto, se fose polos concelleiros destes dous grupos políticos, os presupostos non serían aprobados e isto implica unhas consecuencias evidentes.
Lémbrase, por outra banda, que a concelleira do BNG xa presentara hai un ano unha moción na que se incluía un punto propoñendo a creación dunha pista de skate no espazo que está máis preto da residencia DomusVI. Durante o debate dese punto, que foi retirado da votación, por parte da Alcaldesa explicouse que o concello xa estivera valorando posibles ubicacións e que se entendía que o máis axeitado sería en Lavandeiras ou Lodeiro.
Dende o equipo de goberno celébrase que nesta nova moción, aprobada no día de onte, o BNG propoña que se consideren estes dous espazos, Lodeiro e Lavandeiras, para ubicar o skate park, atendendo deste modo ás propostas realizadas polo goberno municipal.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
