Ribadeo, 11 de setembro de 2021. O alcalde, Fernando Suárez, cualifica de infundadas e inxustas as acusacións vertidas desde a asociación de veciños O Cantal, de Rinlo. E subliña que a escola vella é de titularidade municipal, polo que non é posible que o Concello se conceda licenza a si mesmo para acometer obras nese inmoble. Fernando Suárez indicou que en breve o Concello e a Deputación de Lugo asinarán un convenio bilateral para amañar esa instalación.
O rexedor dixo que “desde o Concello de Ribadeo estamos sorprendidos pola actitude que teñen algunhas persoas da directiva desta asociación de veciños por terxiversar a realidade e sobre todo por verter estas acusacións infundadas e inxustas”.
Suárez Barcia sinalou que “o Concello, como con todas as asociacións dialoga, e precisamente con esa asociación de veciños hai máis dun ano nunha xuntanza que tivemos o compañeiro de Medio Rural e o alcalde de Ribadeo tomamos boa nota de todas as cuestións que eran susceptibles de ser melloradas e mellorables en Rinlo, especialmente na escola vella, que como todo o mundo sabe é de titularidade municipal desde hai pouco menos que cen anos”.
O alcalde lembrou que “hai uns meses solicitamos unha axuda á Xunta, a través dunha orde de convocatoria para esa escola e algunha outra máis, orde que nos foi denegada e así o comunicamos no seu momento a esa asociación, coa advertencia de que habíamos seguir traballando para poder desenvolver e executar as obras de mellora tanto no continente como no contido dese edificio. Precisamente hai varios meses solicitamos da Deputación de Lugo un convenio bilateral para amañar esta escola, tal e como estamos a facer con outros inmobles de titularidade municipal polas parroquias. Ese convenio vai ser asinado nos próximos días”.
Fernando Suárez engadiu: “cal foi a nosa sorpresa cando vemos que sen falar co titular do inmoble, que é o Concello de Ribadeo, esta asociación de veciños sostén que ten unha axuda da Xunta e nos piden licenza de obra para amañar un edificio da nosa propia titularidade, algo que a xulgar polo informe xurídico de Secretaría non é posible que nós nos deamos licenza a nosoutros mesmos”.
Para o rexedor “a actitude algunhas destas persoas, que non actuaron no nome da súa presidenta sequera, se convertan en valedores desta escola municipal deixando ao seu titular e o seu responsable, que é o Concello de Ribadeo, absolutamente á marxe. Nosoutros nin queremos nin buscamos polémica, pero como así fixemos nunha xuntanza aberta hai varios días alí na propia parroquia, aberta a todos os veciños e non soamente á directiva desa asociación, explicamos o que fixemos, o que estamos a facer e o que faremos e polo tanto gustaríanos que se deixara a política á marxe, porque vemos que é unha intención maniquea de manipulación por parte do PP que está na Xunta e especialmente do PP de Ribadeo, que en todas aquelas cousas que debe apoiar de maneira intensa non o está a facer, pero sen embargo está con estas caxigaliñas, aquí é unha axuda a unha asociación de veciños, alí son uns polos, unhas sudadeiras, uns niquis ou dúas medallas. Realmente ao cabo do ano o sumatorio para Ribadeo é pésimo e pírrico porque naquelas outras cousas importantes nas que se lle pide o compromiso da Xunta para con Ribadeo e para as súas parroquias brilla pola súa ausencia. En todo caso sempre están a tempo de corrixir e sempre están a tempo de mellorar”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
