Ribadeo, 15 de setembro de 2021. A patronal ribadense móstrase crítica co novo protocolo para a hostalería da Xunta, xa que “chegou tarde, mal e a rastro publicándose poucas horas antes da súa entrada en vigor”.
O presidente de Acisa Ribadeo, Francisco Iriarte, indicou que “en Acisa, así como en moitas outras asociacións locais, estamos desconcertados. Non podemos entender como as asociacións provinciais de hostalería aceptaron semellante protocolo. Na metade del fálase de cousas que xa se viñan facendo antes e a outra metade parece mais ben unha improvisación para dicir que en Galicia se fan as cousas diferentes ao resto de España. Danos a sensación de que as asociacións provinciais responden mais os intereses da Xunta que aos dos seus asociados”.
Pola súa banda o xerente de Acisa, Jesús Pérez, dixo que “non entendemos como se pode establecerse un nivel básico que é mais restritivo en aforos que o nivel baixo de onte. Entendemos aínda menos que se establezan diferenzas entre distancias de mesas ou clientes, volvemos á parvada de limitar por convivintes as barras ou ao uso individual. En Acisa preguntámonos ¿cómo se pode publicar un DOG no que se esixe que se faga formación sen dicir cómo, onde e cándo? ¿quen vai correr con eses gastos? ¿E cos das mascarillas FFP2 e das probas diagnosticas?”.
E engadiu: “é unha magoa, cando se anunciou que se traballaba nun novo protocolo algúns ilusos pensabamos que seria algo útil e beneficioso para a hostalería, pero por desgraza equivocámonos. Parece mais ben que a Xunta quixo castigar aos hostaleiros co beneplácito das principais asociacións e federacións. O único que crea este protocolo é mais confusión, mais gasto e mais frustración á hostalería”.
Para o presidente da patronal ribadense “non so é un protocolo que chega tarde, xa que tería que poñerse en marcha no verán, en tempada alta, cando verdadeiramente era necesario, se non que chega mal. Este protocolo ven con deficiencias na súa implementación, por exemplo a formación. E chega a rastro, porque dende a Xunta están collendo unha mala costume que é a de publicar os decretos cerca da noite na que entran en vigor, con nocturnidade e aleivosía”.
O xerente de Acisa puntualizou: “a estas alturas da pandemia outras comunidades están a volver á normalidade, restablecendo os horarios normais, ampliando aforos, eliminando as limitacións ou ampliando as dos grupos de persoas. E resulta que nos, unha comunidade das mais avanzadas en vacinación, seguimos impoñendo restricións, cun protocolo incompleto, que non deixa marxe aos negocios para traballar como desexan. É unha magoa, que os representantes da Xunta ou os deputados da Mariña non lle expliquen ás Consellerías de Sanidade e de Economía o dano que estas medidas terán nesta comarca, que é fronteiriza con outra autonomía que marcha a un ritmo completamente diferente. Alguén podería pensar que a Xunta de Galicia non ten moito interese pola Mariña”.
Iriarte Quintana manifestou: “agora haberá un anuncio multimillonario de axudas, dos que non chegarán nin a metade aos negocios, que ademais despois terán que tributar por esas axudas… É dicir volta o fume, pero axudas reais ningunha”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
