Lugo, 20 de setembro de 2021. O PSOE, alí onde goberna, cando as cousas non lle van ben, propende a buscar fora do seus ámbitos de xestión o aplauso que non é capaz de gañar no seu territorio. O presidente da Deputación de Lugo, o socialista José Tomé, non é unha excepción, como acaba de quedar demostrado na súa recente participación en Almería na reunión de presidentes de deputacións promovida pola Federación Española de Municipios e Provincias. O portavoz popular, Javier Castiñeira, sinala: “Tomé foi a comisión de deputacións da FEMP a presumir de todo o que non fai na provincia de Lugo; non coñecemos presidente da Deputación máis incoherente que o de Lugo, que pretendeu dar leccións de goberno aos seus homólogos na xuntanza en Almería, pero cando chega a Lugo fai todo o contrario do que alí di”.
Castiñeira explica: “Resúltanos insultante que Tomé falase diante de todos os presidentes provinciais de aproveitar fondos europeos Next Generations cando días antes votou en contra dunha proposta popular nese mesmo sentido, esgrimindo escusas de que o goberno provincial non tiña constancia de que estes organismos tivesen acceso a ditos fondos; e despois vai a Almería a dar leccións aos outros presidentes”.
Os populares din que “o máis gracioso é que, ademais de dar leccións a outras deputacións que si teñen proxecto e levan tempo traballando neste sentido, o faga poñendo como exemplo a rede viaria provincial lucense, que posiblemente sexa a máis descoidada de España”. Castiñeira engade: “Aínda é peor porque o fai o delegado de Vías e Obras, o propio señor Tomé, cando el mesmo, co seu voto en contra, impediu que se fixese un plan provincial de estradas para tratar de melloralas nos próximos anos”.
O portavoz popular manifesta: “O que foi facer Tomé a Almería só se pode cualificar de turismo de moqueta, co agravante da falta de realismo e de falta de humildade. Recomendámoslle máis viaxes polo rural lucense, porque ademais de ser máis baratos son moitos máis construtivos; así poderá ver os problemas reais da provincia, que é o que está a facer o Partido Popular, política de proximidade que el trata de desacreditar dedicándolle o alcume de política de fochancas”.
Castiñeira declara: “Preocúpanos de verdade que o señor Tomé se estea acostumando a facer o ridículo por toda España, sen que ninguén no seu equipo de goberno sexa capaz de dicirlle que menos leccións fora da provincia e máis escoitar aos seus veciños”. Lembra que “no PP levamos semanas esperando a que nos chame para falar do futuro de todos os lucenses e do futuro da provincia; o único que conseguimos ata agora é a calada por resposta”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
