Santiago de Compostela, 22 de setembro 2021. O BNG propuxo no Parlamento galego que a Xunta realice as xestións oportunas a fin de que as entidades financeiras e prestamistas procedan a comunicar, cando menos aos rexistros administrativos correspondentes, o cambio na titularidade dos bens inmobles que adquiran. O portavoz nacionalista de Xustiza, Iago Tabarés, advertiu na comisión parlamentaria de Administración e Xustiza sobre o “enorme problema” que está a causar a concellos e comunidades de propietarios o feito de que este tipo de entidades adquiran bens inmobles e fincas rústicas sen realizar comunicación algunha ata o momento en que son transmitidas a unha terceira persoa.
Neste sentido, explicou que nos últimos anos entidades financeiras e prestamistas non están comunicando aos rexistros públicos (administrativos e da Propiedade) a adquisición de inmobles froito de transmisións involuntarias, nomeadamente por execucións hipotecarias e procedementos concursais, nun contexto marcado polo incremento da morosidade e do endebedamento.
O deputado nacionalista lembrou que, segundo datos do INE, entre 2016 e 2019 incrementáronse nun 60% os procedementos de execución hipotecaria e, pese a isto, no que atinxe só a fincas rústicas, estas descenderon nun 30%. “Non é razoable pensar que incrementándose a morosidade e medrando as execucións hipotecarias, a transmisión involuntaria das execucións hipotecarias sobre fincas rústicas sufran un descenso tan importante”, alertou, logo de salientar as dificultades que provoca na identificación dos e das verdadeiras propietarias a voluntariedade da inscrición rexistral.
Tabarés explicou que o feito de que os acredores (entidades financeiras e prestamistas ou tamén entidades que mercan créditos) non comuniquen aos rexistros públicos a realidade destas transmisións provoca a imposibilidade de que os concellos localicen ás persoas ás que corresponde cumprir coas obrigas ligadas á propiedade como, por exemplo, a limpeza de parcelas, “co risco de incendios que isto implica”.
“Nos pasados meses de xuño e xullo só en cinco parroquias do Concello de Ourense se atoparon preto de 1.500 fincas sen propietario coñecido cheas de maleza e situadas en zonas con risco de incendio pola súa proximidade a núcleos habitados”, exemplificou, para a continuación subliñar que a limpeza destas parcelas, mediante execución subsidiaria, implicaría un custe superior aos 300.000 euros que habería que repercutir ás e aos “descoñecidos propietarios”.
De igual xeito, salientou que no caso de acometer obras que comprometen a estrutura de inmobles que ameacen ruína, serían exixibles as achegas precisas ás e aos propietarios, “polo que o descoñecemento destes é unha carga que tería que soportar a entidade local”, ao tempo que advertiu sobre a necesidade de reclamar o pago de obrigas fiscais, como o IBI, “que están a eludir estes novos adquirentes”.
O deputado nacionalista apuntou que o problema de identificación na propiedade afecta tamén ás comunidades de propietarios, que teñen que adiantar a parte que lle corresponde ás vivendas de propietarias e propietarios descoñecidos, “véndose na necesidade de iniciar un procedemento xudicial e de anticipar uns custes de incerta recuperación”.
Ante o veto do PP á iniciativa, Tabarés acusou á Xunta de poñer en práctica unha vez máis a súa política de “botar balóns fóra”, escudándose en que as competencias son estatais cando o imposto de transmisións patrimoniais é competencia galega e cando, ademais, podería pactar acordos neste sentido aproveitando os distintos convenios que o Goberno galego asina coas entidades financeiras. “Si que teñen competencias e a capacidade de chegar a acordos con esas entidades á que vostedes tanto subvencionan”, reprobou, para concluír reclamando ao Executivo que exerza as súas responsabilidades para contribuír a solucionar un problema “que existe e que está a causar un prexuízo enorme aos concellos e ás comunidades de propietarios”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
