Madrid, 8 de outubro de 2021. O deputado do BNG no Congreso, Néstor Rego, e o deputado no Parlamento da Galiza, Daniel Castro, acudiron á concentración diaria das traballadoras e traballadores de Vestas en Viveiro. Os deputados reclaman á Xunta de Galiza que exerza as súas competencias en materia industrial e non permita o fechamento da fábrica de aeroxeradores. Así mesmo, urxen a derrogación da Reforma Laboral que permite o despedimento dos 115 traballadores.
Após a concentración que as traballadoras e traballadores de Vestas manteñen de maneira diaria, unha delegación do BNG mantivo unha reunión co Comité de Empresa da fábrica. Ademais de Rego e Castro, a esta xuntanza acudiron a voceira do BNG no Concello de Viveiro, Miriam Bermudez, e a responsábel comarcal e alcaldesa de Barreiros, Ana Ermida. A formación nacionalista anunciou unha ofensiva institucional “tanto no Parlamento da Galiza como no Congreso dos deputados para que as administracións actúen de maneira activa para evitar o fechamento da fábrica”.
“A Xunta de Galiza ten que actuar e deixar de pórse de perfil ante unha situación extrema como é a situación pola que atravesa a fábrica de Vestas” reivindican os deputados no Parlamento e no Congreso. Pola súa banda, Daniel Castro sinala que o principal obxectivo é parar o ERE da empresa e salvar os 115 postos de traballo e estabelece, a maiores, dúas accións para a reactivación da Mariña: “incidimos na creación dun plan de emprego e industrialización nesta comarca porque se está convertendo nun deserto industrial e demográfico” explica Castro.
Así mesmo, os deputados apostan por un Plan de desenvolvemento que asegure que todo aquel proxecto industrial, neste caso eólico, que se queira implantar “no noso País ten que garantir que os suministros e a súa produción teñan unha alta porcentaxe de traballo na Galiza”.
Pola súa banda, o deputado do BNG no Congreso, Néstor Rego, entende que non existe ningunha razón obxectiva para aceptar o ERE de todos os traballadores e traballadoras de Vestas. “Non é unha empresa que estea dando perdas e, ademais, paradóxicamente trátase dunha empresa que se dedica á fabricación de aeroxeradores que neste momento de transición enerxética e de promoción da enerxía eólica debera ter máis opcións de negocio”. A construción de compoñentes eólicas é polo tanto unha industria de futuro e que xera postos de traballo e riqueza na comarca, pero non se promove que se manteña aberta, en cambio, foméntase a instalación de parques que espolian os recursos sen deixar a cambio beneficios para a sociedade.
Rego demanda que as administracións públicas actúen para conseguir que se manteña a actividade e mediando ante a empresa para lograr que non feche. Esta decisión unilateral da empresa non podería darse se o Goberno do Estado tivera derrogado, dunha vez por todas, a Reforma Laboral “Ao non ser necesaria a autorización previa da autoridade laboral nos despedimentos colectivos, facilítase que as empresas podan tomar as súas decisión sen ter en conta, nin os intereses dos traballadores, nin as necesidades sociais ou industriais, limitándose, así mesmo, a capacidade de negociación dos traballadores”. Se se recuperase esa autorización “Vestas non podería proceder a ese despedimento colectivo posto que non tería xustificación obxectiva para facelo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
