Lugo, 10 de novembro de 2021. A presidenta provincial, Elena Candia, mantivo unha reunión coa presidenta da Anpa do CPI de Cervantes e da Federación Provincial de Anpas de Centros Públicos de Lugo (Fapacel), Isabel Calvete, para escoitar as propostas e suxerencias do colectivo. A xuntanza enmárcase dentro dunha programación de encontros para continuar cunha “escoita activa” dos axentes que integran a sociedade lucense.
Candia puxo en valor “o papel das asociacións de nais e pais” e destacou, moi especialmente, “a importancia dos centros de ensino do noso rural, que están a formar dende as primeiras etapas aos nenos e nenas da maior parte do territorio lucense”. Nese sentido, tivo palabras de agradecemento para os profesionais da educación e todas as persoas que día a día coidan dos nosos nenos e nenas.
Unha das propostas da Fapacel foi “a necesidade dun estudo da educación nun entorno rural co fin de acadar unha mellora da calidade e para que sexa un referente do ensino no noso país e un valor a ter en conta á hora de ficar nel”. Nese sentido, Candia subliñou que “a calidade da educación no rural contribúe, indubidablemente, ao desenvolvemento da nosa provincia e á mellora da sociedade lucense do presente e do futuro”.
“Escoita activa”
A mandataria popular continúa así cos encontros periódicos que está a manter con representantes do tecido socioeconómico da provincia. “O Partido Popular da provincia de Lugo está ao pé dos lucenses coñecendo as súas necesidades para trasladalas ás distintas administracións nas que temos representación e tamén coñecendo as súas propostas para construír xuntos o futuro da nosa provincia e, polo tanto, o de tódolos lucenses”, concluíu Candia.
A presidenta continúa coa “escoita activa” tras manter recentemente un encontro coa vicerreitora de Coordinación do Campus de Lugo e tamén coa presidenta do Colexio de Arquitectos de Galicia (COAG). Así, outra das reunións previstas será con representantes dos peritos lucenses.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
