Viveiro, 18 de novembro, 2021. O BNG de Viveiro solicítalle a alcaldesa de Viveiro, María Loureiro, e ao seu concelleiro de obras, Jesús Fdez Cal, o mantemendo das estradas municipais, unha vez máis e dunha vez por todas, de maneira regular e planificada.
“Son necesarias actuacións programadas cun calendario de obras de mantemento, conservación e mellora da rede viaria municipal, unha planificación estruturada que non se está a dar en Viveiro. Esta falta de ordenación de traballos e de previsión dos recursos, trae como resultado o lamentábel e perigoso estado da rede viaria municipal na totalidade das parroquias”, afirma Míriam Bermúdez, concelleira do BNG.
A concelleira lamenta verse na obriga de denunciar novamente a falta de planificación no mantemento de estradas municipais por parte do Goberno do PSOE de Viveiro, nesta ocasión, denunciando para que se amañe o gran socavón existente á entrada da Praza de Lugo, “un socavón que levan meses soportando as veciñas e veciñas de Viveiro.”
Míriam Bermúdez afirma que “no BNG apostamos por unha política municipal en infraestruturas viarias que se apoie nun Plan de mantemento, un plan con políticas convenientemente estruturadas e axendadas cos obxectivos fixados a curto, medio e longo prazo, que conste con 3 puntos clave”:
. Mantemento: labores rutinarias que se repiten anualmente como traballos de diagnose da estrada, limpeza de beiravías, limpeza dos sinais verticais, desbroces, mantemento de barreiras de contención…
. Conservación: actuacións a desenvolver por orde de prioridade, en función de criterios obxectivos e de acordo ao tipo de programa e traballos a realizar, como o saneamento de fochancas, renovación de firmes asfálticos, pintado do chan, reposición de sinais…
. Mellora: para levar a cabo a modernización das estradas co ancheamento dos carrís, facendo ou ampliando beiravías, eliminación de curvas perigosas, construción de beirarúas, melloras na accesibilidade, creación de carrís-bici, colocación de novas luminarias…
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
