Burela, 18 de novembro de 2021. O alcalde, Alfredo Llano, destaca que a manifestación celebrada onte, mércores, foi unha das máis grandes da historia de Burela e un exemplo de comportamento e solidariedade.
“Foi un exemplo clarísimo de comportamento, de dedicación, de respecto e de solidariedade. Houbo unha comprensión absoluta, total e unánime do que representaba facer a folga onte na nosa comarca. Houbo peches masivos e penso que todo o mundo respondeu, dentro das súas posibilidades, a este chamamento”, comentou hoxe, xoves, o rexedor municipal de Burela, quen destaca que “a manifestación foi unha das máis grandes da historia en Burela, onde se fixeron moitas e moi grandes, derivadas de diferentes problemáticas, pero onte foi realmente impresionante ver toda a Avenida de Arcadio Pardiñas, desde o cruce que vai ao hospital ata o Concello, ocupado por xente e cunha densidade extraordinaria dado que íamos moi cerca uns doutros”.
Alfredo Llano salientou que “isto reflicte unha cuestión moi importante: a preocupación que temos todos os que vivimos na Mariña, dunha forma solidaria e compartida, porque realmente valorámonos moitísimo máis do que nos valoran a nosoutros fóra pois realmente temos capacidade. Esta é unha comarca cunha poboación de 85.000 habitantes e posibilidades de todo tipo: industriais, comerciais, de turismo, de sanidade, … No seu conxunto é unha comarca que debemos defender, promover e poñela a andar o antes posible. O que non podemos é consentir que pouco a pouco nos vaian sacando servizos básicos, como foi unha perda que é tremendamente problemática: a da área sanitaria propia da Mariña, o que trouxo consigo unha serie de consecuencias que se están notando agora e cara ao futuro aínda van ser peores. Ademais hai moito tempo que estamos agardando unhas boas infraestruturas, tanto a nivel autonómico como estatal. É certo que non avanzan nin sequera empuxando e co aire a favor. E sen infraestruturas non podemos asentar outras cousas, como industrias. Por tanto é moi necesario poñerse a facer xa as infraestruturas que están pendentes”.
En canto á industria, o alcalde de Burela considera que “o que pasou en Vestas é un desprezo absoluto aos traballadores, ás súas familias e a todos os que vivimos na Mariña. Igual que o que está ocorrendo en Alcoa, con esa despreocupación, falta de atención e desprezo por parte da empresa, dicindo que se van cando lles dea a gana e aí vos quedades. Iso non pode ser”.
Polo tanto o rexedor de Burela saca a seguinte conclusión despois da mobilización de onte: “todo o mundo comparte esa preocupación e séntese parte do problema e parte da solución. E desde logo demandamos e pedimos que nos deixen desenvolvernos como nos corresponde, dada a capacidade extraordinaria que temos en todos os aspectos: económico, social, cultural, turístico, … Porque esta comarca é unha das máis importantes da provincia de Lugo e de Galicia. Iso é o que reclamamos e onte foi unha lección clara cun pensamento compartido e común porque todos queremos o mesmo”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
