Lugo, 23 de novembro de 2021. Os senadores do Partido Popular na provincia – José Manuel Barreiro, Rosa Arza, Manuel Varela e Juan Serrano- piden explicacións ao Goberno ante a escaseza de examinadores da DGT que provoca listas de espera na provincia para poder realizar o exame práctico para obter o carné de conducir.
Os senadores advirten dun problema que sofren centos de lucenses. “No mes de setembro había 1.500 persoas na provincia de Lugo esperando, segundo os cálculos das asociacións de autoescolas galegas”.
No caso de Lugo, unicamente hai seis examinadores para dar servizo a toda a provincia, dos cales dous se ocupan de tarefas administrativas, polo que soamente son catro os examinadores da DGT dedicados a avaliar os exames prácticos para a obtención do carné de conducir.
É por iso polo que preguntan como xustifica que só haxa seis examinadores da DGT dando servizo a toda a provincia de Lugo. E, igualmente, queren coñecer que está a facer a Dirección General de Tráfico ante a falta de reposición de persoal examinador en toda España e, particularmente, na provincia de Lugo.
Prexuízos para autoescolas e usuarios
Os representantes populares da provincia na Cámara Alta chaman a atención sobre esta situación non só está a xerar un colapso nas autoescolas e un prexuízo nos usuarios; senón que, ademais, “está mesmo provocando que haxa persoas que estean a perder traballos ou a posibilidade de presentarse a oposicións por non poder obter o carné de conducir debido á falta de examinadores”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
