Viveiro, 23 de novembro de 2021. A alcaldesa de Viveiro, María Loureiro, presentou hoxe na Casa do Concello os resultados da campaña de compostaxe que comezou en decembro do ano 2020. Este proxecto esta enmarcado en #ViveiroSustentable, que é a imaxe do Concello de Viveiro para accións de concienciación sobre medio ambiente e cambio climático.
A primeira campaña de Viveiro sustentable é o programa de compostaxe no que participaron 264 familias e catro centros educativos.
Establecendo unha escala de 1 a 5, as persoas participantes valoraron moi positivamente todo o programa (4,36), ademais de que as Mestras Composteiras valoraron correctamente a labor de compostaxe levada a cabo polas familias (3,56).
A repercusión social dos 269 composteiros instalados chega a 725 persoas nas familias e estimase que o alumnado entre os 4 centros suma 1000 persoas. Polo que a acción ten un impacto directo en aproximadamente 2000 veciños e veciñas.
Indirectamente, tendo en conta a campaña de difusión, os familiares e amizades asociadas aos composteiros domésticos e ás familias do alumnado do centro de ensino, as campañas en redes sociais, os anuncios e noticias en prensa podemos estimar unha repercusión indirecta en toda a poboación do Concello de Viveiro, superando os 15.000 cidadáns nestes momentos.
Tendo en conta que os biorresiduos corresponden ao 42.36% do total producido, que a produción de residuos é de 1.22 Kg hab/día, estímase que anualmente evitarase, gracias as familias participantes, o tratamento duns 136.756,08 kg de lixo que ía ser destinado ao contedor xenérico.
Paralelamente a esta redución, espérase un aumento na recollida separada do resto das fraccións derivada dun cambio de hábitos nos fogares e unha mellor comprensión sobre a separación selectiva.
Ademais, agárdase un aforro económico na recollida, transporte e no tratamento dos residuos que se retiran do fluxo convencional de xestión e afórranse tamén as emisións de gases de efecto invernadoiro derivadas do transporte de eses residuos á planta.
Se tan solo tivésemos en conta a taxa por tonelada de tratamento dos residuos en SOGAMA (planta onde envía os residuos o Concello de Viveiro), que ascende a 69,48 euros, pola minoración de toneladas enviadas obtemos un aforro anual de 9.501,82 euros. Habería que sumar a esta cifra os aforros en recollida e transporte, estimándose a mesma nuns 5.000 euros.
Temos que ter en conta o impacto derivado pola maior concienciación e sensibilización de todas as persoas implicadas no proxecto e a obtención dun compost de calidade.
Os impactos indirectos na mellora da separación dos residuos e o compostaxe nos centros educativos estímase en 5.000 euros.
O total anual de aforro estimado ascende a 19.501,82 euros
A inversión foi de 13.935,68 euros na adquisición de composteiros e aireadores e de 26.524,52 euros na campaña de captación e concienciación, formación e seguimento do proceso de compostaxe coas Mestras Composteiras. Un total de 38.993,57 euros nesta primeira fase, en conceptos soamente económicos o período de amortización e de menos de dous anos.
Os cidadáns de Viveiro aínda poden apuntarse ao programa de forma gratuíta e para elo e necesario completar un formulario (https://cutt.ly/yhO5rrF), enviar un correo electrónico a viveirosustentable@mediagesgm.com ou chamar ao número 675.507.832.
A iniciativa, de financiación europea, conta co apoio da Consellería de Medio Ambiente e Ordenación do Territorio.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
