Lugo, 23 de novembro de 2021. A Deputación de Lugo presentou este martes a proposta de orzamentos para 2022, que ascenden a 100.165.600 euros e que se someterán ao debate do Pleno o vindeiro 30 de novembro.
Na presentación das contas, a vicepresidenta Maite Ferreiro valorou a importancia de “ter elaborados os orzamentos en tempo e forma para comezar o 2022 cos recursos dispoñibles para dar continuidade á labor de apoio aos concellos, manter servizos sociais como os Centros de Atención a Maiores, e seguir traballando na mellora da rede viaria” .
A vicepresidenta incidiu na necesidade de investir para “manter servizos e infraestruturas nun territorio da extensión e a dispersión poboacional das comarcas de Lugo” e referiuse especialmente á situación da veciñanza do Courel ante o anuncio de Movistar de retirar o servizo de fixo.
Asi mesmo, Maite Ferreiro ratificou o compromiso “co partido socialista para seguir traballando co obxectivo común de mellorar as condicións de vida da veciñanza máis aló das cores dos gobernos municipais, co Plan Único como ferramenta central para canalizar os recursos aos concellos”.
Durante a comparecencia, a vicepresidenta detallou as partidas e liñas de traballo no relativo a cultura, artesanía, deporte ou medio rural, áreas xestionadas polo BNG.
Cultura
No tocante á area de Cultura, Patrimonio Histórico e Normalización lingüística, Maite Ferreiro concretou que se reforzarán as programación propias para “achegar a actividade cultural a todo o territorio e para dinamizar un sector profesional e económico moi prexudicado polo impacto da crise, pero que viña arrastrando outras eivas”.
Avanzou tamén que se “manterá o apoio ao tecido asociativo, con distintas liñas de axuda a asociacións de base e entidades dedicadas á promoción e dinamización cultural en diferentes eidos, desde a formación musical ata a normalización do galego, cun importe de máis de 800.000 euros.
Maite Ferreiro salientou ademais o investimento destinado ao funcionamento da Rede Museística – o Museo de Lugo, o Museo do Mar de San Cibrao, o Pazo de Tor e a Museo de Narla-, que este ano contará cun orzamento total de 3.304. 000 –300.000 euros maís que o ano pasado-, para seguir desenvolvendo os traballos de estudo, conservación e difusión que corresponden aos museos, e potenciando a súa interrelación coa comunidade e co territorio.
Despois de case dous anos coas actividades moi condicionadas pola pandemia, un dos obxectivos, se a situación sanitaria o permite, será reforzar a actividade presencial.
Artesanía e Deseño
En canto ao Centro de Artesanía e Deseño, Maite Ferreiro explicou que “se investirán máis de 300.000 euros en consolidar os proxectos de apoio e promoción da artesanía que ven desenvolvendo desde o inicio da lexislatura, apostando de forma decidida por visibilizar o traballo artesán e abrir novos camiños para a sostibilidade económica e social dun sector que é gardián de tradicións pero que ten enormes potencialidades, e que ocupa -a tempo completo ou parcial- a unhas 500 persoas.
Deportes
A área de Deportes, explicou a vicepresidenta, mobilizará “uns 3,2 millóns de euros para apoiar a actividade deportiva tanto na súa vertente educativa, de promoción do deporte base e da actividade física saudábel, como na súa vertente competitiva”
Manteranse as distintas liñas de axuda a clubs e deportistas, cun importe conxunto de 2,4 millóns de euros -230.000 euros máis que ano pasado- que “suporán un ano máis o principal soporte económico para o tecido deportivo da provincia, tanto de base e amador como profesional ou semiprofesional.
Ademais, as contas para 2022 destinan máis de 860.000 euros ao funcionamento e mantemento das instalacións deportivas que xestiona a Deputación de Lugo – o Pazo dos Deportes e o Anexo, e a Escola de Piragüismo- , destinados fundamentalmente á subministración de servizos básicos como electricidade, auga e calefacción ou limpeza e seguridade. Resérvanse 90.000 euros para realizar obras de mantemento e melloras.
Medio Rural
A área de Medio Rural contará cun orzamento total de 1.152.000 euros de cara ao 2022, uns 250.000 euros máis que na pasada anualidade, para seguir reforzando as liñas estratéxicas nas que ven traballando dende o inicio lexislatura.
Así, renovarase o programa de prevención de incendios“O Que Non Arde”, apoiarase a consolidación e expansión da plataforma de venda en liña Son de Lugo coa entrada de novos produtores locais e financiaranse programas de formación continúa e asesoramento para avanzar na profesionalización do agro e no aproveitamento das potencialidades produtivas da man de colectivos profesionais, asociacións sectoriais e do Campus Terra da USC.
Como novidade, porase en marcha o programa da Escola á Granxa, para que os rapaces/zas poidan coñecer de primeira man proxectos de emprendemento exitosos por toda a provincia e poder valorizar o noso tecido produtivo primario dende as primeiras idades como base educacional nas escolas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
