Ribadeo, 24 de novembro de 2021. Corenta establecementos comerciais asociados a Acisa Ribadeo ofreceran interesantes promocións e descontos durante o Black Friday do 26 ao 28 de novembro.
Desde a presidencia de Acisa, Francisco Iriarte, explicou que “como ben sendo habitual Acisa celebra o Black Friday, con grandes descontos e con participantes de moitos sectores: informática, telefonía, decoración, moda home, moda muller, moda infantil, calzado, mercerías e lencerías, tallas grandes, xoiaría, bebés, complementos ou agasallos. Estes descontos e promocións estamos seguros de que chamarán a atención dos clientes e farán que desfruten do Black Friday no comercio da nosa vila, sen ter que recorrer ás plataformas de venta online. Como sempre facemos, tamén co Black Friday, queremos recordar a importancia que ten mercar en Ribadeo, e mais nun ano coma este no que nos atopamos, onde se está a ver como os pedidos en grandes plataformas chegan tarde ou non chegan e tamén estamos a ver como se multiplican as estafas”.
Iriarte Quintana dixo que “como ven sendo habitual desde a asociación sacámoslle proveito aos domingos, xa que en moitos sitios esa xornada xa non se celebra o Black Friday por que non se abre, pero en Ribadeo si, algo co que marcamos a diferenza e que o cliente pode aproveitar tamén esta vindeira fin de semana para facer as súas compras e beneficiarse das ofertas e descontos que atopará nos negocios asociados”.
O xerente de Acisa, Jesús Pérez, sinalou que “facémolo todos os anos, pero neste Black Friday queremos animar á xente especialmente a que faga as súas compras no comercio de Ribadeo. Estamos a vivir tempos difíciles e necesitamos que a xente aposte polo local. Ademais nesta ocasión non hai escusas, o noso Black Friday de tres días coincide coa campaña das Panchas, na que por cada 30 euros o Concello de Ribadeo regala 10, é dicir recibimos 40 panchas, e coincide tamén coa campaña da tarxeta Acisa Aforro de descontos en carburante, así como coa campaña Mercando en Lugo, que sortea 30.000 euros en toda a provincia. En resumo podes ir a unha tenda, mercar algún agasallo de Nadal que xa teñas pensado, que che apliquen un 20, 30, 50 ou ata un 70% de desconto, pagalo con panchas, levar un desconto para a gasolina do teu coche e se tes sorte pódeche tocar unha das tarxetas de 30 euros rexistrando a compra en mercadoenlugo.com. Non vexo maior oportunidade ca esta para vir mercar a Ribadeo”.
Pérez engade: “toda a información detallada das ofertas, pódese encontrar na nosa web www.acisaribadeo.es ou no noso facebook. Hay grandes ofertas que non merece a pena perder”.
Os establecementos participantes no Black Friday de 2021 son: Ginzo Hombre -Mujer, Lencería Torviso, Sendín Electricidad, Xeito Decoración, R23, Julia Moda Infantil e Lencería, Opticalia, For Friends, Pequerrechos, Pepa Peineta, La Moda Joven, La Moda Sport, Saia, Boutiques Valentina e Del Río, Óptica Carreira, Mika, La Moda Mujer, La Moda Básico, Adele, Boutique Pippol´s, Nana, Siñeiro Hogar, Beep, FarfalaKids, Anais, Fauna, Bora Bora, La Coqueta, Platería Gutié, Sanjurjo, Esprit, Azabache, Phonergy, Bis a Bis, Deportes Docobo, Imag_n 365, Coco, Jatay e Glass”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
