A Mariña, xoves 24 novembro 2021. Dentro do proceso da XVII Asemblea Nacional, o BNG vén de conformar a nova dirección na Mariña. A asemblea comarcal escolleu na tarde de ontes xs militantes que formarán parte da executiva e do consello comarcal. O cargo de responsable comarcal recae en Antonio Veiga Outeiro, sendo Pilar Vázquez Sánchez, de Xove, a vice-responsable, seguidos de Mario Pillado Mon, Miriam Bermúdez García, Daniel Castro García, Mónica Freire Rancaño, Xorxe Caldeiro Díaz, Montserrat Porteiro Sánchez e Ana Ermida Igrexas. O consello comarcal complétase con representantes de todas as localidades. A proposta de nova dirección formulada polo consello comarcal saínte foi aprobada por unanimidade pola asemblea comarcal.
Intervención de Alcoa. Vestas Solución. Plan de Industrialización e Reactivación Económica
Desde o BNG márcanse como obxectivo inmediato o traballo diario cóbado a cóbado coas traballadoras e traballadores mariñaos e o conxunto da sociedade, na liña en que viñeron facendo ata o de agora, polo Futuro da Mariña e insisten na necesidade da intervención de Alcoa, solución para a plantilla de Vestas e un Plan de Industrialización e Reactivación Económica que entre outras cousas inclúa un Plan Interinstitucional (tenen que implicarse conxuntamente goberno central e xunta) de Inversión en Infraestruturas xerais estratéxicas, xeradoras de emprego (transporte, autovía, vía de alta capacidade, solo industrial, medio ambiente….) e que evite o desequilibrio territorial consecuencia de anos de desigualdade que sufre A Mariña a respecto doutros territorios. “Unha comarca, a nosa, donde os investimentos da Xunta e do Estado nunca foron directamente proporcionais aos nosos recursos, ás nosas potencialidades e ao noso traballo, e donde os sectores produtivos agrogandeiro e pesqueiro sufriron e sufren tamén as consecuencias de anos de abandono por parte do Estado e da Xunta” afirmaron desde o BNG.
A Mariña contará con catro representantes na dirección nacional do BNG
A representación mariñá na direccion nacional estará composta por Ana Ermida Igrexas, Daniel Castro García, Antonio Veiga Outeiro e Pilar Vázquez Sánchez. A asemblea valorou moi positivamente o traballo e o compromiso coa Mariña que están amosando tanto desde a dirección coma desde os cargos nas diferentes institucións.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
