A Mariña, venres 21 de xaneiro de 2022. A deputada nacionalista e portavoz de sanidade no Parlamento Montse Prado, o deputado mariñao Daniel Castro, o portavoz municipal en Cervo Diego Fernández e o responsable comarcal Antonio Veiga desenvolveron hoxe unha xornada de traballo en San Cibrao reuníndose primeiro coas traballadoras do Centro de Saúde da localidade e despois coa Plataforma en Defensa da Sanidade Pública da Mariña para tratar a grave situación que está atravesando a sanidade pública na comarca, especialmente a Atención Primaria.
Situación caótica na maioría dos concellos
O paulatino e continuado desmantelamento ao que o PP someteu a sanidade pública na última década coa supresión da Área Sanitaria da Mariña por medio, vese agravado agora coas sucesivas ondas da pandemia sen que desde o Sergas nin desde a Xunta se poña remedio á actual caótica situación, que xa sobrepasa todos os límites en concellos coma Viveiro, en cuxo centro de saúde, e debido á enorme presión asistencial por falta de profesionais, estanse facendo derivacións desde o PAC ao Hospital da Mariña sen previa valoración.
A falta de profesionais repítese tamén noutros concellos e centros de saúde da comarca coma San Cibrao, Foz, Burela (donde se suprimíu a quenda de tarde) Ribadeo… O servizo de HADO e paliativos presencial está baixo mínimos, tendo que asumir eses servizos a atención primaria ao elimináreno en dez dos catorce concellos nos que se prestaba. Outro dos problemas é a atención telefónica que se encontra sobresaturada, e que en concellos pequenos e con poboación avellentada fan prácticamente imposible concertar citas para consultas debidamente en moitos casos.
Diante da situación precaria e de desmantelamento agravada agora pola pandemia o Bng propón a recuperación da Área Sanitaria da Mariña e das Xerencias de Atención Primaria.
O PP nega a evidencia
“Ante esta grave situación o Partido Popular non só mira para outro lado, senón que nega a evidencia, e escúdase na pandemia para tapar o que veu sendo un desmantelamento programado, algo que nin os mariñaos e mariñás nin o Bng lle imos consentir” afiromu Daniel Castro.
Menos cartos públicos para a Atención Primaria
Neste mesmo punto, a deputada Montse Prado confirmou con datos ese desmantelamento, pois a día de hoxe en 2022, a Xunta destina nos orzamentos 47 millóns de euros menos ca no 2009 para a Atención Primaria, que tendo en conta a aplicación do IPC neses trece anos, realmente terían deixado de consignar 277 millóns de euros para a base da sanidade pública, a Atención Primaria, o que demostra que este desmantelamento foi programado.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
