Lugo, 24 de xaneiro de 2022. En FITUR quedou de manifesto que José Tomé e o seu equipo seguen unha política de turismo totalmente errada e carente da máis mínima estratexia. Á vista da situación, o grupo do PP defenderá na sesión plenaria de mañá unha moción para instar ao goberno provincial a aprobar un plan estratéxico de turismo 2022-2024 con obxectivos, accións e investimentos, e consensuado cos axentes implicados e cos grupos políticos que conforman a corporación provincial. A proposta popular inclúe que o turismo sexa obxectivo prioritario para o destino dos fondos Next Generation que recibirá a Deputación.
O portavoz do PP na Deputación, Javier Castiñeira, sinala: “FITUR 2022 foi a evidencia da deriva das políticas do señor Tomé. Os feitos dan a razón ao PP cando denunciamos que era un gravísimo erro desvincularse do stand de Galicia, máis aínda cando as razóns do propio presidente da Deputación son máis propias de patio de colexio que dun presidente, poñendo como desculpa as ditosas cadeiras que tanto o preocupan dende que goberna”. Explica que “mentres o stand galego era premiado pola organización da feira, o señor Tomé sacaba fotos no stand de España cunha ministra, a de Industria, que é, do Goberno de Sánchez, a que máis leva prexudicado á nosa provincia nos últimos anos”.
Para Castiñeira, “Tomé con este feito separouse do Xacobeo, a gran estrela de FITUR, un dos mellores reclamos turísticos para o ano 2022. Máis aínda cando pola nosa provincia pasan os tres camiños: Francés, Primitivo e Norte e, sen esquecer, que temos o obxectivo de seguir acadando os datos de antes da pandemia e tratar de chegar aos 300.000 peregrinos neste ano xacobeo”. Os populares din que “non podemos permitirnos estes tremendos erros”. Sinala: “O PP, sabedor deste fracaso, presentou unha moción para pedir no próximo pleno un cambio absoluto, un xiro de 180 grados na política de turismo da Deputación”. Ese cambio ten que estar recollido nun plan estratéxico 2022-2024, consensuado cos axentes implicados e cos grupos políticos.
Castiñeira di á responsable de Turismo na Deputación: “Non pode seguir así, señora García Porto. Esperemos que agora non esgrima as desculpas de sempre, de falta de competencias, porque non se entendería a gran cantidade de recursos públicos que están gastando vostede nesta área, destinados basicamente, a propaganda, viaxes e a contratación de diferentes empresas”. Lembra tamén a externalización total da estratexia do turismo, así como que o goberno provincial sigue “nutrindo a Tragsa de contratacións, como o de catamaráns, que leva anos sen pasar por un concurso”.
En síntese, a do goberno provincial é, segundo o PP, “unha política de turismo totalmente fracasada, que precisa un plan novo e unhas relacións co resto de administración moito mellores da que ten a día de hoxe a Deputación de Lugo”. Por iso, Castiñeira indica: “Señora García Porto, xa sabe o camiño que ten que percorrer; se quere contar co PP, sempre nos terá aí, pero na liña de colaboración, na que leva Turismo de Galicia e os galegos que sabemos que hai que aproveitar o Xacobeo para seguir proxectado a nosa provincia por todo o mundo”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
