Lugo, 24 de Xaneiro de 2022. Os deputados lucenses no Congreso, Ana Prieto e Javier Cerqueiro xunto ao senador César Mogo valoraron hoxe o investimento de 3.900 millóns de euros adicados á politicas de vivenda impulsadas polo Goberno de Pedro Sanchez. Asi si o fixeron trala aprobación no último Consello de Ministros de dúas medidas importantes en materia de vivenda e que benefician especialmente á mocidade. Por unha banda, o Bono de Aluguer Xuvenil, e por outra, o Plan Estatal de Vivenda 2022-2025.
Os socialistas lucenses afirman que estas medidas supoñen unha axuda para os colectivos vulnerables, e sobre todo, para aos máis mozos. Sinalan que o Plan de Vivenda 2022-2025 recolle medidas dirixidas ás situacións máis vulnerables: como por exemplo persoas sen fogar, afectadas por desafiuzamentos ou que viven en precariedade. Neste último asunto, o Goberno marcouse o ambicioso obxectivo de acabar co chabolismo en España.
Por outra banda, o paquete de medidas tamén inclúe o aluguer e compra de vivenda nos concellos de menos de 10.000 habitantes para loitar contra o despoboamento, ademais do impago do seguro de aluguer que garante ao propietario o cobro do aluguer correspondente a unha anualidade e alivia aos inquilinos expostos a dificultades económicas inesperadas.
“A outra medida aprobada, o Bono de Aluguer Xuvenil, contempla unha axuda de 250 euros mensuais durante dous anos. Entre os requisitos para ser beneficiario figuran ter uns ingresos inferiores ao triplo do IPREM e un prezo de aluguer que non supere os 600, podendo ascender esta cantidade nalgúns casos ata os 900 euros”, sinalan os socialistas.
Os socialistas convidan aos mozos e mozas lucenses a solicitar o bono estatal para o acceso a vivenda, que beneficia a todos os contratos realizados a partir do 1 de xaneiro de 2022. “Con eles, insistimos, demóstrase a sensibilidade social do Goberno de Pedro Sánchez, xa que con estas medidas facemos fronte á crise económica e as problemas dos cidadáns. Por iso é preciso advertir dos 475 millóns asignados nos últimos orzamentos do Goberno do PP de Rajoy, aos 3.900 millóns das contas deste ano. Estamos diante da partida máis grande destinada á vivenda da historia de España”, argumentan.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
