Os senadores lucenses tamén denuncian que mentres en 2018 o cuartel de A Fonsagrada abría todos os días, agora só o fai unhas horas tres días á semana
Lugo, 18 de xuño de 2026. Os senadores lucenses do Partido Popular, José Manuel Barreiro, José Manuel Balseiro e Juan Serrano, denunciaron hoxe o “progresivo desmantelamento” que está a sufrir a Garda Civil no medio rural por parte do Goberno do Estado, situando como un claro e preocupante exemplo a situación na que se atopa actualmente o cuartel da Fonsagrada.
Os senadores populares explicaron que este posto ten asignado un catálogo de 8 efectivos. “A realidade actual é crítica, xa que a gran maioría das prazas están sen cubrir e o cuartel conta unicamente con tres efectivos para prestar servizo: un sarxento, un cabo e un garda”, denunciaron.
Dende o PP lucense lembran que esta carencia de axentes é un problema froito da “deixadez” dos últimos anos. A este respecto, subliñaron que no ano 2018 o catálogo de postos da Fonsagrada estaba completamente cuberto ao 100%, mentres que hoxe contan só con 3 efectivos. “A perda de axentes desde entón demostra unha total falta de compromiso coa seguridade do noso rural”, engadiron.
Unha situación que se engade á realidade que vive o cuartel. Mentres en 2018 abría todos os días “agora só o fai unhas horas tres días á semana”, nun municipio que é o de maior extensión de Galicia e que ademais conta cunha poboación envellecida.
UN NOVO CUARTEL, PERO SEN AXENTES
Respecto ao anuncio do encargo do proxecto para a construción do novo cuartel na localidade, os senadores do PP quixeron deixar claro que “é unha medida que nos alegra e á que non nos opoñemos en absoluto, xa que é unha vella demanda”. Con todo, amosaron a súa preocupación ante a posibilidade de que “haxa un cuartel sen axentes”.
“Todo apunta a que, se non se revirte esta situación de inmediato, o Goberno vai construír un cuartel moderno pero sen efectivos. Non queremos infraestruturas baleiras; o que A Fonsagrada e a súa comarca necesitan son os axentes comprometidos no catálogo para poder patrullar e protexer aos veciños coas máximas garantías”, concluíron.
Unha situación preocupante que non é nova na provincia, xa que otras localidades tamén sofren esta ausencia de efectivos. Por exemplo, O Valadouro, que ten un catálogo de seis axentes e só dúas prazas cubertas; Portomarín, cun catálogo de 8 e só 3 prazas cubertas; ou Castroverde, cun catálogo de 8 e só 4 efectivos prestando servizo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
