A Xunta de Goberno aprobou este venres diferentes actuacións en vías provinciais ao seu paso por Xermade e Paradela por máis de medio millón de euros e adxudicou tamén obras en Taboada, Palas de Rei, Friol e Chantada por outros 814.000€
Lugo, 19 de xuño de 2026. A Xunta de Goberno da Deputación de Lugo deu este venres un novo impulso á mobilidade da provincia coa activación de preto de 1,5M€ destinados á renovación de oito estradas provinciais e á modernización da maquinaria do Parque Móbil. Así o informou a Voceira socialista do Goberno, Pilar García Porto, tras a reunión semanal.
“Seguimos avanzando no noso compromiso coa mellora das comunicacións, a seguridade viaria e os servizos públicos nos concellos da provincia, con un investimento que permitirá actuar en máis de 13 quilómetros de estradas e tamén reforzar os medios cos que prestamos servizo”, valorou García Porto.
Avanzou nese sentido que a Xunta de Goberno licitou dous proxectos por un importe conxunto que supera o medio millón de euros.
En Xermade, a Deputación investirá 249.399,56€ para mellorar diferentes tramos de catro estradas provinciais que conflúen no núcleo urbano da capitalidade municipal e que servirá “para darlle unha volta moi importante á mobilidade na capitalidade do municipio”: a LU-P-2201 e o seu ramal, a LU-P-2203, a LU-P-2205 e a LU-P-2213.
Os traballos consistirán na mellora da drenaxe, pavimentación con aglomerado en quente e reposición da sinalización.
A institución provincial destinará 287.702,17€ en Paradela á rehabilitación de catro quilómetros da estrada LU-P-4201, que comunica Pacios con Mosteirovello. Concretamente o proxecto afectará ao treito entre os puntos quilométricos 4,17 e 8. Os traballos inclúen a reapertura de cunetas, a renovación do firme con aglomerado en quente e a reposición da sinalización. Ademais, executarase un paso elevado á altura do CEIP de San Miguel para reforzar a seguridade do tráfico nun punto especialmente sensible pola presenza de escolares. Nese sentido, García Porto recordou que “con esta actuación damos resposta a unha vella demanda dos veciños e veciñas da zona”.
O prazo de execución previsto para ambas actuacións é de catro meses.
Adxudicadas obras en estradas de Taboada, Palas de Rei, Friol e Chantada
A Xunta de Goberno adxudicou ademais tres proxectos de mellora da rede provincial cun investimento total de 814.108 euros. Concretamente, no concello de Taboada, a empresa Construciones Leonardo Miguélez executará por 296.526,23€ a rehabilitación dos primeiros 6,1 quilómetros da LU-P-6001 que conecta a capitalidade municipal con Mundín por Ada. Ademais das melloras na drenaxe, pavimentación e sinalización, construirase un muro de escollera para estabilizar un tramo da vía.
Entre Palas de Rei e Friol, a empresa Cholo SL será a encargada de acometer a rehabilitación de varios tramos da LU-P-4004 por 269.761,86€. A actuación afectará aos treitos ao inicio e ao final da vía, comprendidos entre os puntos quilométricos 1,3 e 3,1; 3,7 e 5,5; e 9,8 e 10,2. Esta estrada presta servizo a explotacións gandeiras, establecementos de turismo rural e distintos núcleos de poboación da zona.
Por último, en Chantada, Explotaciones Gallegas SL executará por 247.820€ a rehabilitación integral dos máis de 3,7 quilómetros da LU-P-1819, unha vía moi demandada pola veciñanza que conecta as parroquias de Quinzán das Peras e Mundín e dá servizo a entidades de poboación como Ferreiros, Nande ou Amorín.
Nos tres casos, as obras consistirán fundamentalmente na mellora da drenaxe, a renovación do firme mediante aglomerado en quente e a reposición da sinalización, cun prazo de execución de catro meses.
Nova maquinaria para o Parque Móbil
Licitada tamén unha escavadora de cadeas de goma por un importe de 159.720€. Unha máquina que permitirá reforzar os traballos que realiza o Parque Móbil en toda a provincia, especialmente actuacións de escavación, movemento de terras, conservación de camiños e infraestruturas e limpeza de cunetas.
Con esta adquisición, “a institución provincial continúa avanzando na modernización dos seus medios materiais para ofrecer unha resposta máis eficaz ás necesidades dos concellos e garantir un mellor mantemento das infraestruturas públicas”.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
