A Mariña, 26 de xaneiro de 2022. O PP de A Mariña reclama ao Goberno do Estado “avances reais na construción da autovía A-74, explicar aos veciños os trámites que ten previsto levar a cabo, en que prazos e con que cantidades orzamentarias”. Así o manifestan os populares trala publicación do proxecto do trazado do treito Foz-Burela da autovía da Mariña; o que significa que “aínda estamos moi lonxe da licitación das obras”. Condenan, así mesmo, que “tampouco houbo avances no treito Barreiros-Foz, que é o de conexión coa A-8, sometido a información pública en decembro do 2018”.
Os populares explican que “esta infraestrutura, que agora din considerar prioritaria, quedou paralizada ao entrar o PSOE na Moncloa. De feito, nos últimos anos as cantidades recollidas nos Presupostos Xerais do Estado (PGE) dirixidas á A-74 son ínfimas”. Os representantes do PP lucense no Congreso e no Senado teñen reclamado partidas suficientes para facer realidade esta infraestrutura dando continuidade ao traballo iniciado co Goberno presidido por Mariano Rajoy que nos seus Presupostos deixara consignadas partidas para licitar os tramos de Barreiros, Foz e Burela.
Dende o PP lamentan a este respecto que “os socialistas lucenses voten en Madrid en contra destas propostas, o que supón votar en contra das melloras das comunicacións na nosa comarca”. E, insisten no dano que supón para A Mariña que “garden silencio ante as políticas do Goberno de Pedro Sánchez”.
Rotondas na Mariña
Os populares advirten das dificultades que lles teñen trasladado algúns veciños de Cangas, entre Foz e Burela, porque se vén obrigados a facer percorridos demasiado longos para acceder ás súas vivendas”. Polo tanto, “esiximos a construción de rotondas na estrada para dotar á zona de interseccións seguras para o tráfico” do mesmo xeito que todas aquelas que sexan precisas “para garantir o acceso á A-74 en condicións de seguridade”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
