Burela, 28 de xaneiro de 2022. O Concello de Burela en colaboración coa Universidade de Santiago de Compostela inicia a planificación e deseño de hortos urbanos. Aquelas persoas interesadas poderán inscribirse a partir do vindeiro luns, 31 de xaneiro, en hortosurbanos@burela.org e así o Concello coñecerá a demanda que pode ter esta iniciativa, que forma parte do Plan de actuación ecolóxico, de preservación ambiental e valorización de recursos naturais do Concello de Burela en colaboración coa USC.
O alcalde, Alfredo Llano, contou que “no Concello xa é coñecido que temos un convenio coa Universidade de Santiago de Compostela, a través da Politécnica de Lugo, e entre outros proxectos que compartimos están as hortas urbanas que queremos poñer en marcha en Burela. A partir do luns xa se pode ir apuntando xente. O que pretendemos con esta iniciativa de que se anote a xente é determinar canta hai interesada en participar e compartir algunha horta destas e, unha vez sabida a cantidade de xente, imos empregar máis ou menos superficie para eses hortos. Hai que mirar tamén as bases e acordaremos unha formación para que se poidan levar adiante”.
O rexedor dixo que “queremos que esas hortas sirvan para concienciar á xente a tratar as cousas dunha forma máis natural con produtos que favorezan a nutrición e que se valore o traballo que corresponde a un bo coidado da produción de alimentos. Imos intentar poñelo a andar o antes posible, pero todo leva un trámite. O que pretendemos con esta iniciativa é valorar canta xente puidera estar interesada no futuro en compartir unha destas hortas urbanas que queremos instaurar en Burela”.
Licitación de obras
Ademais o alcalde burelés anunciou que “imos realizar moitísimas actuacións no noso concello nos dous primeiros trimestres do ano, que no seu conxunto van mellorar moitas cousas. Imos facer asfaltados, arranxo e recuperación de beirarrúas, pintado de edificios, mellora do pintado na sinalización de tráfico e melloras na Vila do Medio e noutras rúas como Mar Cantábrico. Imos facer o máximo posible en obras e que se note que Burela pode ser unha vila ben coidada para procurar un beneficio para os nosos veciños e veciñas, pero tamén que chamen a atención cando recibimos visitas de fora. Estamos dándolle ritmo para que, o antes posible, comecen as obras e procuraremos ter todo licitado xa, algunha incluso empezada, no mes de febreiro”.
Alfredo Llano engadiu que “outra das cousas que cremos que é importante para o pobo dado que crea unha expectativa de futuro enorme é a compra de solares de uso dotacional preto do Hospital. Esas conversas xa están perfectamente orientadas. Penso que hai un acordo en principio e imos concluír esa operación o antes posible para que no futuro próximo se poidan ver que tipo de obras se poden realizar alí sempre pensando nas cuestións sociais e públicas, que poidan beneficiar ao conxunto da poboación de Burela”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
