SANTIAGO .- A Consellería de Medio Ambiente, Territorio e Infraestruturas, coa colaboración de Sogama e Ecoembes, vén de iniciar a campaña de recollida selectiva en 27 escenarios de Lugo para o presente verán dos que 23 son praias de A Mariña. A campaña terá unha duración de dous meses, desde o primeiro fin de semana de xullo ata o 31 de agosto
Nota de Prensa
A CONSELLERÍA DE MEDIO AMBIENTE LEVA A 27 ESCENARIOS DA PROVINCIA DE LUGO O PLAN DE RECOLLIDA SELECTIVA
* Este ano, o proxecto introduce como novidade a implantación da recollida selectiva de papel-cartón e vidro nalgunhas praias seleccionadas
* O plan contempla campañas informativas que se realizan nas praias e en campamentos xuvenís mediante xogos e reparto de material promocional
* O principal obxectivo deste proxecto é concienciar á cidadanía e promover a súa colaboración na separación de residuos
* O proxecto rematará o 31 de agosto
Santiago, 10 de xullo de 2010.- A Consellería de Medio Ambiente, Territorio e Infraestruturas, coa colaboración de Sogama e Ecoembes, vén de iniciar a campaña de recollida selectiva en 27 escenarios de Lugo para o presente verán. A campaña terá unha duración de dous meses, desde o primeiro fin de semana de xullo ata o 31 de agosto
O principal obxectivo deste proxecto é concienciar á cidadanía e promover a súa colaboración na separación de residuos, xa non só nos seus fogares, tamén nas praias que frecuentan durante os meses estivais. Cómpre estender este hábito a novos escenarios como as praias fluviais, onde tamén se xeran cantidades importantes de residuos urbanos. Trátase de que os residuos xerados nas praias e constituídos maioritariamente por envases se recollan selectivamente para que teñan a xestión final máis axeitada.
Na provincia de Lugo, serán obxecto deste plan de recollida selectiva un total de 27 escenarios, os cales se poden observar nos seguintes gráficos.
| Concello | Praia |
| Barreiros | San Miguel de Reinante |
| Valea-Fontela | |
| Altar | |
| As Pasadas | |
| Lóngara | |
| Burela | A Marosa |
| O Portelo | |
| Ril | |
| Castro de Rei | Área Recreativa Castro de Rei |
| Cervo | Cubelas |
| O Torno | |
| Foz | A Rapadoira |
| Llás | |
| Areoura | |
| As Polas | |
| A Pampillosa | |
| Peizás | |
| Lugo | Zona da Potabilizadora |
| Monterroso | A Peneda |
| O Vicedo | Xilloi |
| Abrela | |
| Ribadeo | As Catedrais |
| Os Castros | |
| Vilalba | A Magdalena |
| Viveiro | Area |
| Cobas | |
| Xove | Esteiro |
Vantaxes
O departamento que dirixe Agustín Hernández sinala que mediante as medidas plantexadas no proxecto mellórase o servizo de recollida e dótase aos areais dos medios precisos para facilitar aos usuarios a súa implicación activa.
O plan de recollida permite evitar que unha porción importante de envases lixeiros se desvíe a un destino non desexable para estes, impulsando a reciclaxe e incrementando os ratios de recollida selectiva.
Medio Ambiente lembra que o proxecto posibilita o avanzar un paso máis na xeralización da recollida selectiva a todos os ámbitos de forma que pouco a pouco a separación en orixe sexa un hábito en calquera actividade cotiá.
Novidades
O proxecto conta coa implantación dunha novidade para este verán: a recollida selectiva de papel-cartón e vidro nalgunhas praias seleccionadas, a modo de experiencia piloto. En canto ao papel- cartón, 20 praias seleccionadas coa instalación dun contedor específico serigrafiado acorde á imaxe da campaña para a recollida destes materiais nos accesos aos areais.
No que se refire a vidro, instalaranse contedores nos chiringuitos dunha serie de praias seleccionadas.
Campañas informativas
O plan de recollida contempla a realización de xornadas lúdico- informativas en 11 praias seleccionadas. Os puntos activos adoitan colocarse en zonas de tránsito dos usuarios das praias. Un equipo de monitores encárganse de informar sobre o proxecto, dinamizando os encontros mediante xogos e material promocional como frisbiees, bolos ou petancas. Estas campañas informativas tamén se efectuarán en campamentos xuvenís. Ademais, levaranse a cabo flash-mob, é dicir, actuacións sorpresa que teñen lugar nunha praia, lugar no que varios actores realizan un baile coordinado.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
