Burela, 13 de febreiro, 2022. O Pescadso Rubén Burela FS non puido dar continuidade esta tarde ás boas sensacións vividas fronte a ElPozo en Vista Alegre hai tan só 4 días. Os galegos, que estreaban en Xaén a xira semanal de 3 desprazamentos en 7 días, víronse con 2-0 en contra xa no 4 de xogo, nun minuto de ouro do Paraíso Interior que pesou demasiado nas filas laranxas. Os locais ampliaron a renda no último cuarto do encontro, en recuperación e a porta baleira.
Rumbo á segunda parada
A expedición mariñá recuperará o mércores a xornada 13 en Manzanares (20.30 horas) e finalizará a xira o domingo, en Zaragoza (12.00 horas).
Do zapatazo de Renato, que a punto estivo de sorprender a Henrique, case sen ángulo, no minuto 4, o Jaén FS soubo aproveitar para poñerse por diante con dobre diana en tan só 30 segundos; Míchel aproveitou o rexeite de Bruno Petry e pouco despois foi o ex dos laranxas o encargado de subir o 2-0. David Pazos, no 15, dispuxo dun dos maiores perigos galegos. O 20 burelista recibiu pola banda o pase de Lucho para obrigar a Henrique aplicarse a fondo. O xogador de Ames volveu rozar o pau antes do descanso.
Outro dos antigos burelistas, Dani Martín, subiu o 3-0 no minuto 31, aproveitando en recuperación con presión alta local. Apostou no 33 o Pescadso Rubén por xogo de cinco, pero Aicardo atopou de forma inmediata a súa oportunidade a porta baleira para mazazo dos mariñáns. Os de Alberto Riquer non deixaron de pelexar; Quintela dispuxo dunha das mellores antes da bucina final.
Ficha técnica
Jaén Paraíso Interior FS: Henrique, Antonio, Aicardo, Alan Brandi, Míchel, cinco inicial; tamén xogaron Mauricio, Felipe Mancha, Attos, Bruno Petry, César, Dani Martín
Pescados Rubén Burela FS: M. Kaluza, Isma, Renato, David Pazos, Wanderson, cinco inicial; tamén xogaron Iago Míguez, Lucho, Álex Diz, Quintela, Pitero, Nito
Goles: 1-0, minuto 4, Míchel; 2-0, minuto 4, Bruno Petry; 3-0, minuto 31, Dani Martín; 4-0, minuto 33, Aicardo
Árbitros: Bustos Caparrós // Botella López // Castillo López (Andalucía). Por Jaén amarela para Dani Martín (minuto 39). Por Burela amarela a Quintela (minuto 16), Edu (minuto 31)
Incidencias: Partido correspondente á xornada 15 disputado no Olivo Arena de Xaén.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
