Lugo, 27 de marzo de 2022. Os socialistas rexeitan a invasión de Ucraína e amosan o seu respaldo e solidariedade coas vítimas deste conflito bélico. Así o defenderá o Grupo Socialista na Deputación de Lugo, a través dunha moción, que será debatida no Pleno ordinario do vindeiro 29 de marzo.
“Os e as socialistas lucenses amosamos o noso rexeitamento absoluto á invasión de Ucraína perpetrada polas tropas rusas dende o día 24 de febreiro. A agresión militar de Rusia sobre un Estado soberano, membro da ONU, supón unha violación do Dereito Internacional, incumpre os acordos de Minsk que fixaron as fronteiras entre Rusia e Ucraína no ano 2014, e supón unha vulneración da soberanía e a integridade territorial dun Estado soberano e democrático”, sinalan dende o PSdeG.
O conflito bélico desencadeado pola agresión rusa está a xerar un drama humano
dunhas dimensións que Europa non coñecía dende o remate da Segunda Guerra
Mundial. O Grupo Provincial Socialista é plenamente consciente da resposta popular dos e das lucenses ante este conflito: rexeitamento da guerra e desexo de axudar a poboación civil. “Ó longo da nosa historia, os e as socialistas avogamos sempre pola resolución pacífica de conflitos a través do diálogo, pero tamén pola necesidade de sancionar o incumprimento do Dereito Internacional”, subliña o PSdeG.
Na iniciativa rexistrada, o PSdeG propón os seguintes acordos:
– Solicitar a fin das hostilidades e o retorno á vía da negociación e da diplomacia, reiterando a necesidade de cumprir cos Acordos de Minsk e co Dereito Internacional.
– Expresar a solidariedade coas vítimas deste conflito, dun xeito especial cos
menores, as mulleres e os anciáns, dando todo o noso apoio ás organizacións que traballan pola defensa e protección dos dereitos humanos.
– Amosar o respaldo ó Goberno de España e da Unión Europea reivindicando a
legalidade internacional e o restablecemento inmediato da paz, tendo como guía
nesta crise os principios e valores democráticos que compartimos con Europa.
– Expresar o máis firme compromiso coa defensa dos principios de democracia, o Estado de Dereito e a protección dos dereitos fundamentais contemplados no Preámbulo do Tratado de constitución da Alianza do Atlántico Norte e no de constitución da Unión Europea.
– Apoiar á Unión Europea para que se interpoñan as sancións precisas co fin de que se poña fin ó conflito ante estes feitos tan graves que ameazan a paz e as liberdades e dereitos fundamentais dos e das cidadáns ucraínas.
– Reclamar á Xunta un plan de choque para paliar o impacto económico da guerra
nas empresas e nas familias galegas.
– Que se comprometa a seguir empregando, na medida da súa capacidade orzamentaria, recursos propios para desenvolver medidas concretas de axuda destinadas a paliar a situación do pobo ucraíno.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
