Viveiro, 28 de marzo de 2022. O Concello de Viveiro informa que o Tribunal Superior de Xustiza de Galicia admitiu a trámite o recurso contencioso administrativo interposto por este concello contra a resolución ditada pola Xunta de Galicia no procemento tramitado para a solicitude da subvención en réxime de concorrencia non competitiva correspondente ao Fondo de Compensación Ambiental 2022.
Cómpre lembrar que en 2021 o Concello de Viveiro solicitou esta subvención para executar as obras de “Reposición de pavimentos, red de sumideros y red de abastecimiento de agua en aceras sitas en Magazos-Viveiro” e que as axudas do Fondo de Compensación Ambiental, financiado cos ingresos obtidos no canon eólico, contan cunha liña de concorrencia non competitiva na que se contemplan as cantidades concretas que por este concepto lle corresponden a cada Concello.
Trátase dunha subvención concedida pola Xunta de Galicia na que se establecen as cantidades máximas asignadas a cada un dos concellos beneficiados, cantidades que están definidas na orde na que se regulan as bases e convocatoria. Trátase, polo tanto, dun importe finalista e que lle corresponde ao Concello de Viveiro.
No momento no que chegou a resolución de inadmisión, o Concello de Viveiro convocou unha reunión cos voceiros dos distintos grupos municipais e na que tamén estiveron presentes os técnicos municipais, para explicar a situación e como se realizara a tramitación.
Nesa xuntanza, tamén se valorou a posibilidade de solicitar á Xunta de Galicia que esa cantidade, posto que se trata dunha subvención finalista, na que estaba previsto un diñeiro específico para o Concello de Viveiro, volvese a repercutir neste concello, segundo a posibilidade que se recolle nas bases.
Tendo en conta que non se contaba con garantías de que puidese repercutir ese diñeiro en Viveiro, co acordo dos voceiros municipais, decidiuse presentar recurso de reposición contra a inadmisión da subvención. Non se recibiu contestación ao recurso interposto no prazo legal estipulado, entendéndose desestimado por silencio negativo, sen que a Xunta de Galicia se dignase a responder.
Finalmente, convocouse unha nova reunión de voceiros para valorar a situación e por parte de todos os voceiros municipais, agás o do PP, que foi o único que non se manifestou abertamente, sen opoñerse pero manténdose neutral, acordouse a interposición de recurso contencioso administrativo no xulgado.
O recurso contencioso administrativo presentado polo Concello de Viveiro contra a resolución ditada pola Vicepresidencia Primeira e Consellería de Presidencia, Xustiza e Turismo foi admitida a trámite polo Tribunal Superior de Xustiza de Galicia.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
