Lugo, 31 de marzo de 2022. A subdelegada do Goberno, Isabel Rodríguez, informou hoxe de que o Cuartel da Garda Civil de Burela conta con unha nova oficina de atención ao cidadán, mellor preparada para dar atención ao público nestas dependencias da Benemérita. A subdelegada felicitouse porque, tal como sinalou, deste xeito a Compañía da Garda Civil de Burela, que está ao mando do capitán Carlos Fernández Ginzo, poderá prestar aínda mellor servizo á veciñanza da Mariña que precise dos seus servizo.
Rodríguez indicou que a nova oficina entrou en servizo esta semana, unha vez realizadas as obras de acondicionamento e rematada a instalación dos servizos e equipamentos necesarios para o seu funcionamento.
As obras, por un importe de 28.155 euros, permitiron crear unha oficina de 26 metros cadrados, que está situada no vestíbulo de entrada do cuartel, para atender aos cidadáns. Para habilitar a estancia aproveitouse un espazo ocupado anteriormente por unha escaleira de caracol que, ao ser eliminada, tamén facilitou a creación dun novo despacho no primeiro piso do inmoble.
O proxecto completouse coa construción dunha rampla para persoas con mobilidade reducida, un novo acceso desde o garaxe e acometéronse outras melloras no chan da planta baixa ou na ubicación da barreira que dá acceso ao portón do garaxe.
Pola súa parte, o subsector de Tráfico realizou outras melloras nas dependencias que ocupa no cuartel de Burela, neste caso as obras foron para a creación de baños para homes e para mulleres na primeira planta do edificio.
Estas reformas realízanse como paso previo a unha importante actuación nas instalacións da Garda Civil en Burela, anunciada polo delegado do Goberno en Galicia, José Miñones, nunha recente visita ás dependencias da Compañía de Burela, consistente na mellora da súa eficiencia enerxética con fondos do Plan de Recuperación do Goberno.
Esta actuación inclúese nun plan que acometerá o Goberno en 16 equipamentos do Ministerio do Interior en Galicia co obxectivo de promover o aforro e a eficiencia enerxética. O investimento, de 21 millóns de euros, procede dos fondos do Plan de Recuperación , Transformación e Resiliencia.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
