Viveiro, 31 de marzo de 2022. O Concello de Viveiro celebrou no día de hoxe unha reunión de seguridade con motivo da celebración do Viveiro Music Fest e a primeira das reunións en relación co Resurrection Fest. A alcaldesa de Viveiro, María Loureiro, participou en ambas xuntanzas de traballo.
O Viveiro Music Fest terá lugar o vindeiro 8 de abril no campo de Fútbol de Lavandeiras, organizado pola Asociación A Medorra en colaboración co Concello de Viveiro. Co fin de garantir a súa seguridade, o Concello de Viveiro convocou unha reunión técnica, á que asistiron representantes dos corpos e forzas de seguridade, persoal municipal e representantes da organización, co fin de avaliar as medidas a adoptar de cara á súa celebración.
Tamén tivo lugar no día de hoxe a primeira das reunións de seguridade que se convocarán antes da celebración do Resurrection Fest, coa presenza tamén de corpos e forzas de seguridade, persoal municipal e representantes da organización, para coñecer detalles desta nova edición do festival e coordinar a súa seguridade.
Ademais, o próximo luns, 4 de abril, terá lugar unha Xunta Local de Seguridade, coa subdelegada do Goberno en Lugo, María Isabel Rodríguez López, que inclúe na súa orde do día, entre outras cuestións, os dispositivos de seguridade con motivo do Viveiro Music Fest e a Semana Santa de Viveiro.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
