A Pastoriza, 19 de abril de 2022. A Xunta de Galicia achegou nos tres últimos anos 950.600 euros a 11 concellos lucenses para a rehabilitación de 26 inmobles de titularidade municipal, a maioría antigas casas de mestres, para destinalos a alugueiro social coas características das vivendas de promoción pública.
O delegado territorial, Javier Arias, visitou hoxe A Pastoriza para comprobar algunhas das obras realizadas neste período así como os inmobles que se recuperarán proximamente. Ao respecto, lembrou que está aberta unha nova edición destas axudas, que son de concorrencia non competitiva e contan cun orzamento de 630.000 euros para a anualidade 2022 e 1.470.000 euros para a anualidade 2023. O prazo de solicitudes remata o 1 de xuño polo que os concellos interesados aínda poden optar a estas subvencións.
No marco desta nova convocatoria, a Consellería de Medio Ambiente, Territorio e Vivenda vén de aprobar xa a concesión de 77.600 euros ao concello da Pastoriza para rehabilitar dúas vivendas no lugar da Grandela, en Reigosa. Ademais, no ano 2020 sumáronse cinco vivendas para alugueiro no municipio tras a reforma das antigas escolas unitarias de Bretoña, Crecente e Álvare, cun investimento da Xunta de 184.000 euros.
Ademais das actuacións no concello da Pastoriza, cómpre lembrar que no marco da convocatoria do ano 2020 tamén se incorporaron á oferta de alugueiro dúas casas en Trabada, e unha en Baralla, Begonte Sober e Mondoñedo respectivamente. No tocante á pasada convocatoria, para proxectos que aínda poden rematar neste ano, outorgáronse axudas para cinco vivendas en Sarria, dúas en Paradela e A Fonsagrada, e unha en Alfoz, Mondoñedo, O Corgo e Sober.
Arias explicou que o obxectivo da Consellería é facilitar aos concellos a creación dun parque público municipal de vivenda en alugueiro para rendas baixas. Estes incentivos están dirixidos aos concellos con menos de 20.000 habitantes e poden acadar ata o 90% do orzamento protexido das obras, cun máximo xeral de 40.000 euros por vivenda rehabilitada, ou de 48.000 euros, no caso de que estean situadas no ámbito histórico ou dos Camiños de Santiago. No suposto de que a edificación que se vaia rehabilitar estivese situada nun ámbito declarado área Rexurbe, as citadas cantidades incrementaranse en 2.000 euros por vivenda
O delegado subliñou que, deste xeito, “evítanse custos que serían excesivamente gravosos para os concellos de menor tamaño”. O reto é dobre, apuntou, “por unha banda, facilitar unha vivenda ás persoas que a necesitan, e por outra, promover a recuperación dos pequenos núcleos nos que quedaron abandonados edificios como as escolas unitarias e as casas dos mestres”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
