Xove, 1 de maio, 2022. Tras abrir as nosas portas en xullo de 2020, por fin podemos poñer en práctica a nosa idea inicial de dotar de contido o Lugar das Marías máis aló dos servizos clásicos de aloxamento, almorzos e merendas. O programa ‘Experiencias efémeras’ nace coa intención de poñer en valor a vida na aldea a través de actividades creativas e saudables que permitan visibilizar a mulleres que traballan nestes ámbitos, crear redes de apoio e fomentar o benestar das persoas participantes. O programa terá lugar no mes de maio e consistirá no desenvolvemento de catro obradoiros acompañados dos sabores da aldea en forma de brunch ou merenda.
EXPRESIÓN CORPORAL E PERFORMANCE & BRUNCH
7 de maio de 11:00 a 14:00 h. A primeira das propostas é un obradoiro de expresión corporal e iniciación á performance de 2 horas de duración impartido por Ana Corujo e Lara Buyo do Colectivo LAG. Despois do taller servirase un brunch para as asistentes. Prezo: taller 15€, brunch 10€.
CERÁMICA & MERENDA
10 de maio de 16:30 a 20:00 h. A segunda proposta consiste nun taller de cerámica que impartirá a artista e artesá Iria Pigueiras. O taller ten unha duración de 3 horas e inclúe todos os materiais necesarios así como o posterior esmaltado e cocido das pezas. Haberá un descanso no se que servirá unha merenda. Prezo: taller 40€, merenda10€.
IOGA & BRUNCH
14 de maio de 11:00 a 13:00 h. Na terceira das propostas repetimos actividade, o Ioga & Brunch será conducido por Nuria Torrado e consistirá nunha sesión de ioga dunha hora de duración que se desenvolverá no exterior, a continuación servirase o brunch na terraza. Prezo: sesión ioga 15€, brunch 10€.
BORDADO & MERENDA
27 de maio de 17:00 a 19:30 h. O programa finaliza cun taller de bordado & merenda impartido por Yasmina González, no que tamén se facilitarán todos os materiais (bastidor, fíos, teas…). A actividade inclúe unha merenda. Prezo: taller 35€, merenda10€.
En todas as actividades se require dun número mínimo de participantes e dun número máximo. O prezo do taller está adaptado á actividade e a quen a imparte. En todos os casos se intentará o desenvolvemento da actividade no exterior.
O programa arrinca o vindeiro sábado, 7 de maio, cun obradoiro de Expresión corporal e inciación á performance, que impartirán Ana Corujo e Lara Buyo de SomosLag. A actividade complementarase cun brunch no café-xardín do Lugar das Marías.
Para anotarse é preciso cubrir o seguinte formulario:
https://forms.gle/kEqovyQFUt9U6Q7q8
Máis información no 646.00.33.43.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
