Ribadeo, 9 de maio, 2022. O IES Ribadeo Dionisio Gamallo participou unha vez máis no Día da Ciencia na Rúa organizado polos Amigos da Casa das Ciencias da Coruña. Tras dous anos sen poder celebrar presencialmente este acto debido á pandemia, 30 alumnas e alumnos de 1º e 4º ESO acudiron á cita para expoñer os seus traballos acompañados polas profesoras de bioloxía e xeoloxía, Beatriz González e Susi Besteiro.
O alumnado de 1º eso ilustrou ós visitantes explicándolles a relación entre a alimentación e dentición nos vertebrados. Para iso amosaron cranios de vaca e corzo (herbívoros ruminantes), de cabalo (herbívoro non ruminante), de can (carnívoro), de porco e xabaril (omnívoros) e de coello (roedor). Tamén ensinaron a facer trampas e atraínte caseiro para atrapar ás raíñas da avespa asiática, animando a loitar contra esa especie invasora. Por outro lado, o alumnado de 4º ESO, centrouse na xeoloxía da Praia das Catedrais explicando a alternancia de cuarcitas e lousas así como a evolución do cantil. Para iso, elaboraron unha reprodución en pasta de modelar das distintas fases evolutivas: faias, grutas, túnel rochoso, ollos, arcos e farallóns amosando de forma moi didáctica o retroceso do cantil. Ademais, o alumnado tivo a oportunidade de visitar a Casa das Ciencias, o planetario, os stands dos outros centros e participar en numerosas actividades e xogos que se desenvolveron ó longo da xornada.
En definitiva, un sábado adicado a contar e aprender ciencia no que o IES de Ribadeo axudou a redir unha homenaxe a Javier Novelle, organizador do evento durante 24 anos e falecido na pandemia pero co que colaboraron dende a primeira edición da Ciencia na Rúa e que sempre foi invitado de honra nas Feiras da Ciencia ribadenses. Noraboa a tódolos pacipantes!
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
