A Vicepresidencia da Deputación impulsa estas intervencións artísticas por segundo ano
Lugo, 18 de maio de 2022. Institutos de Mondoñedo, Burela e Foz acollerán nas vindeiras tres semanas intervencións artísticas sobre Rosalía de Castro, da man da Vicepresidencia da Deputación de Lugo.
A ilustradora Ana Santiso realizará, en distintos emprazamentos destas localidades, un mural inspirado nos versos de “A xustiza pola man”, do libro Follas Novas. Trátase dun deseño composto por unha serie de escenas que ilustran distintos momentos do poema, dos máis representativos do feminismo da obra de Rosalía.
“O poema esfórzase en expresar o resentemento, o odio, o desexo de venganza da muller perseguida. Sentimentos que atopamos en moitos outros poemas da autora”, explica Ana Santiso que toma como referencia para o deseño “ interpretacións deste texto como a da escritora Marina Mayoral sosteñen que Rosalía creou unha situación ficticia para dar expresión ao seu resentemento, odio, e desexo de venganza cara aqueles que a perseguiron, que se burlaron da súa condición de filla non recoñecida”. A obra realizarase con pintura acrílica.
As intervencións comezarán mañá no IES San Rosendo de Mondoñedo, onde a muralista traballará ata o 24 de maio. Do 30 de maio ao 3 de xuño, estará no IES Monte Castelo de Burela, e do 13 ao 17 de xuño, no IES de Foz.
A vicepresidenta Maite Ferreiro sinalou que “se trata dunha iniciativa para socializar a obra e a figura de Rosalía de Castro e poñer en valor todas as dimensións da súa figura figura de Rosalía, xa que non só falamos da autora cabeceira da literatura galega, senón tamén dun referente na defensa das mulleres da lingua, dos dereitos sociais e das mulleres, un posicionamento que recolle de forma moi viva o deseño de Ana Santiso”.
As intervencións artísticas forman parte da programación organizada pola Vicepresidencia da Deputación de Lugo arredor da figura de Rosalía de Castro, por segundo ano consecutivo, en colaboración con concellos e centros educativos, que este ano xa deixou a súa pegada no IES San Xillao de Lugo, no CEIP Pedregal de Irimia de Meira e no Mato Vizoso de Vilalba, neses casos con deseños de Iván Mouronte e Concepto Circo.
Os murais en Mondoñedo, Burela e Foz súmanse aos realizados o pasado ano, tamén con gran presenza na comarca da Mariña, onde se realizaron intervencións no pavillón polideportivo de Alfoz, no Campo da Cabana de Foz, a carón do teleclube de San Cosme de Barreiros, na biblioteca pública de Viveiro, no centro histórico de Ribadeo e no CEIP Juan Rey de Lourenzá.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
