A conselleira do Mar, Rosa Quintana, asistirá á xornada informativa de renovación de órganos reitores de confrarías de pescadores e das súas federacións destinada ás secretarias e secretarios destas entidades
Santiago de Compostela, 18 de maio de 2022. A conselleira do Mar, Rosa Quintana, participou hoxe na xornada informativa celebrada en Santiago de Compostela na que se analizaron os detalles sobre o próximo proceso electoral para a renovación dos órganos reitores das confrarías de pescadores e das súas federacións. Uns comicios que están regulados pola Orde do 29 de abril de 2014 pola que se regulan as eleccións para a renovación dos órganos reitores das confrarías de pescadores de Galicia, das federacións provinciais e da Federación Galega de Confrarías de Pescadores e que, tal e como se expuxo na xornada, serán convocados no último cuadrimestre deste ano. Polo que a elección dos novos membros das xuntas xerais dos 63 pósitos realizarase previsiblemente cara os meses finais de 2022.
A titular de Mar salientou que estas eleccións constitúen un proceso importante para seguir analizando as problemáticas que están enriba da mesa a través da cogobernanza e o diálogo para chegar a acordos conxuntos e acadar o benestar do sector. Así, Rosa Quintana animou á participación neste proceso e sinalou que con ese obxectivo a Xunta traballa en novas ferramentas dixitais dirixidas ás confrarías de pescadores para dinamizar e facilitar este procedemento. Xunto á conselleira tamén participaron na xornada a secretaria xeral técnica, Silvia Cortiñas, e a directora xeral de Desenvolvemento Pesqueiro, Susana Rodríguez.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
