Un total de 55 colectivos veciñais de toda a provincia recibirán subvencións de entre 1.000 e 6.000€ para acometer actuacións como a mellora de vías, locais sociais, traídas de auga ou espazos públicos comunais
Lugo, 20 de maio de 2022. A Xunta de Goberno da Deputación de Lugo aprobou este venres a concesión das subvencións convocadas pola institución provincial a través do Programa para a Dotación e Mellora de Servizos Comunitarios por un importe total de 300.000€. Así o anunciou a voceira socialista do Goberno, Pilar García Porto, que lembrou que esta liña de axudas de concorrencia competitiva estaba dirixida a entidades asociativas da provincia para a execución de obras destinadas a mellorar a calidade de vida da veciñanza do rural.
As achegas provinciais -que oscilan entre os 1.000 e os 6.000€- están dirixidas a entidades asociativas, tales como asociacións e agrupacións de veciños e veciñas, comunidades de usuarios e usuarias de augas, comunidades de montes ou asociacións de gandeiros, agricultores ou produtores forestais de toda a provincia “para realizar investimentos en inmobles ou para equipamentos que melloren a calidade de vida da xente, e fomenten e dinamicen o asociacionismo veciñal”, explicou García Porto.
“Aínda que estas axudas non teñen unha gran entidade económica, si terán unha gran relevancia social para mellorar o día a día dos veciños”, sinalou a Deputada. “Está claro que ninguén quere vivir nun lugar se non ten os servizos que necesita, e isto é precisamente o que queremos con este programa, dotar de máis e mellores servizos o noso rural para fixar poboación”, recalcou García Porto.
Son un total de 55 entidades asociativas de toda a provincia as beneficiarias destas subvencións, grazas ás que realizarán actuacións como a mellora, adecuación do firme ou sinalización de vías públicas comunais; obras de acondicionamento, reforma e ampliación dos locais nos que desenvolven a súa actividade; adquisición de equipamentos que resulten necesarios para o seu funcionamento; obras de mellora, reforma e reparación das infraestruturas e instalacións das traídas de auga comunitarias; construción de depósitos de auga comunitarios ou acondicionamento e recuperación dos existentes, e tamén as súas captacións, canalizacións e acometidas. Tamén están subvencionadas obras de acondicionamento e recuperación de espazos públicos comunais, fontes comunais e a súa contorna.
Renovación de equipamento na Granxa Gayoso Castro
A Xunta de Goberno celebrada este venres tamén aprobou a subministración dun carro mesturador autopropulsado para a alimentación do gando da Granxa Gayoso Castro, da Deputación, por un importe de 230.000€. O adxudicatario deste contrato é a empresa Farming Agrícola, SAU. Esta nova ferramenta permitirá garantir unha calidade óptima da ración que se lle subministra aos animais, logrando unha maior eficiencia e produtividade, e contribuíndo ao seu benestar. Esta nova máquina servirá para substituír outra xa obsoleta coa que contaba a instalación provincial.
Por outra banda, a sesión provincial celebrada esta mañá tamén aprobou cubrir unha praza de enxeñeira topógrafa para a prestación de servizos na Deputación de Lugo.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
