RIBADEO (FNC) .- Ribadeo acollerá do 28 ao 31 de xullo a sexta edición do FestivalON na que se proxectarán 39 curtas na sección oficial das 500 presentadas a esta cita. As rúas da vila e doutros puntos da Mariña serán escenario da rodaxe de 12 curtametraxes estes días.
Na presentación do evento que tivo lugar esta mañá o director do FestivalON, Xoan Mariño, sinalou que “a programación empeza o mércores 28 de xullo coa presentación dunha curtametraxe convidada, Dous homes e un suicidio de Iria López, co que damos o pistoletazo de saída. Este ano a programación da sección oficial é bastante completa, seleccionáronse 39 curtas do panorama internacional de case as 500 que chegaron, o que está moi ben. Neste sentido, está consolidado, a xente quere participar, quere que o festival acolla os seus contidos e iso está moi ben”. Hai tres categorías: animación, ficción e documental. Proxectarase casi toda a programación no Cine Teatro e tamén haberá as tradicionais proxeccións ao aire libre, no Cantón dos Moreno tanto o xoves coma o venres.
Mariño tamén explicou que “acompañando á programación oficial do festival temos a sección A toda mecha, que é onde están os videocreadores, xente nova e incluso veteranos actores profesionais, que estarán por aquí estes días gravando doce curtas polas rúas de Ribadeo e doutros puntos da Mariña. Tamén temos a parte festiva, con concertos de danza na rúa e pecharemos con Lamatumbá e Los Crebinsky, que é unha película de produción galega, que se vai presentar oficialmente no festival internacional de Corea”. O director do FestivalON engadiu que “haberá tamén presentacións de libros, charlas abertas no Cantón dos Moreno, que chamamos sesións vermú, nun ambiente de mediodía e festivo onde a xente pode participar, preguntarlle aos actores, actrices e produtores de ti a ti, charlas das que outros anos saíron varios proxectos”.
Pola súa banda a edil de Cultura, Mariluz Álvarez Lastra incidiu en que “se van realizar actividades como proxeccións, gravacións e tamén animación de rúa para os nenos coa intención de introducilos no mundo do audiovisual. A maior parte das actividades van ser ao aire libre, si o tempo o permite, e haberá proxeccións no Cantón dos Moreno sempre a partires das once da noite. Aquelas persoas que desexen obter máis información sobre as gravacións e sobre o festival só teñen que achegarse ao departamento de Cultura do Concello ou tamén á OMIX”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
