Xosé Luís Rivas afirmou que esta condición deixa fóra a 10 mil pequenas e medianas explotacións gandeiras de carne e representa “unha ofensa para o rural”
Santiago de Compostela, 25 de maio, 2022.- O portavoz de Agricultura do BNG, Xosé Luís Rivas preguntou ao titular de Medio Rural que vai facer o goberno ante a sentenza do TSXG que dá a razón ao sector gandeiro e recoñece “o dereito das persoas titulares de explotacións de vacún de menos de 10 unidades, que non sexan de autoconsumo e teñan declarados ingresos pola actividade, a ser beneficiarios das axudas reguladas na orde impugnada”.
O deputado do BNG lembrou que o 28 de outubro do 2020 publicouse a Orde pola que se establecían as bases reguladoras para a concesión de Axudas Temporais e Excepcionais aos Sectores Agrarios máis desfavorecidos polos efectos da Covid 19.
Estas axudas, indicou o nacionalista, viñan cofinanciadas polo Fondo Europeo Agrícola de Desenvolvemento Rural (FEADER). Na orde, establecíase de “xeito arbitrario”, coma condición para o seu acceso que a explotacións tivesen “máis de 10 vacas nutrices”.
O deputado cualificou de “disparate” este requisito e unha “ofensa” para o sector que foi amplamente contestada desde o BNG a través de diversas iniciativas e preguntas ao goberno así como por diversas organizacións agrarias.
Este despropósito, recalcou o nacionalista, “bloqueaba o acceso ás axudas a máis de 10.000 pequenas explotacións galegas de carne”, máis da metade das que hai en activo.
Ao seu xuízo, a situación xerada resultaba “esperpéntica” porque negaba que existían as explotacións ou que xestionaban o territorio ademais de significar, na maioría dos casos, “un ingreso complementario para as familias” que manteñen a súa vivenda e actividade en zonas desfavorecidas en Galiza.
Fixeron vostedes, dixo, “mofa e escarnio” e unha evidente “afronta ao rural”. Foi un proceder “discriminador, arbitrario e incompresible” e contrario ás recomendacións de Europa.
Abandonen os “discursos baleiros e loas fáciles” sobre a necesaria protección e potenciación das pequenas explotacións familiares porque despois con feitos demostran todo o contrario.
Na súa intervención, Rivas lembrou que o Sindicato Labrego Galego acudiu ao Tribunal Superior de Xustiza de Galiza que fallou a favor do sector polo que preguntou que vai facer agora Medio Rural ante a sentenza xudicial? Van a recorrela ou polo contrario van rectificar?.
Pola súa parte, o conselleiro de Medio Rural non se pronunciou sobre as cuestións formuladas polo nacionalista e respondeu co anuncio dunha campaña de 1,4M€ para poñer en valor a excelencia da carne de tenreira galega.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
