Ribadeo, 3 de xuño de 2022. A Área de Cultura do Concello celebra este sábado os sete anos do proxecto Apego, que busca potenciar que as persoas adultas lles transmitan ás crianzas o amor polo idioma galego. No parque do Xardín haberá actividades a partir das cinco da tarde.
A edil Pilar Otero dixo que “Apego é unha idea a nivel galego que xunta entidades locais e universidades, concellos de cidades grandes e de vilas medianas e pequenas, municipios rurais e de todas as cores políticas. Iso é o importante, o idioma é unha riqueza de todos e todos e todas debemos usalo para que siga vivo, independentemente das nosas ideas. É patrimonio común”.
A concelleira de Cultura subliñou que “sempre hai que aclarar que usar o galego, transmitirllo ás nosas nenas e nenos, non significa que nos pechemos aos demais idiomas. Ao revés, o ideal é saber cantos máis mellor para acceder de primeira man a moitas culturas. Mais o que está a pasar é o contrario. Abandónase o propio porque se segue a ter o prexuízo que o de fóra é mellor, cando temos unha lingua milenaria, dunha riqueza extraordinaria. Recollemos un pouco a bandeira das Tanxugueiras que, cantando en galego, demostran que non hai fronteiras”.
Otero Cabarcos dixo que “a maioría das aproximadamente duascentas familias do Apego de Ribadeo residen no concello. Mais hainas doutros como A Pontenova, Pol, Viveiro, Alfoz, Vilalba, Barreiros, Xove… porque Ribadeo é o único concello da provincia ata agora onde se leva a cabo o proxecto”.
A edil ribadense lembrou que “ao longo de sete anos, á parte de música e teatro, organizáronse actividades como sesións de matronatacións con bebés, sesións de arrolos, saídas para recoller plantas e facer un herbario, obradoiros de xogos educativos… e todo tendo como meta potenciar a transmisión do galego ás novas xeracións”.
E engadiu que “este sábado está planificada unha festa no parque do Xardín -se chove os espectáculos serían no Teatro-. Charo Pita vailles contar contos aos máis pequenos e despois Xoán Curiel e a Banda do Verán darán un concerto cuns zombies moi divertidos para os máis grandiños. Animamos a todas e a todos a achegarse ao parque do Xardín a gozar desta festa do Apego”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
