Quero como alcaldesa do Concello de Viveiro aclarar determinados aspectos arredor do programa ‘Descubre Viveiro’.
Como ben saben os nosos veciños e veciñas, o Concello de Viveiro presentou a pasada semana este novo programa de promoción turística. Como se explicou no seu momento, trátase dun proxecto impulsado pola Concellaría de Turismo e no que se ven traballando desde hai máis de dous anos.
‘Descubre Viveiro’ é un proxecto amplo e ambicioso, que xa estaba incluído no noso programa electoral e que non se puido presentar ata agora por mor das circunstancias vividas. Sufrimos unha pandemia mundial, que obrigou a modificar a programación de goberno que tiñamos prevista e a traballar cos sectores máis afectados pola pandemia.
Véxome na obriga de aclarar esta cuestión, deixar claro que ás veces os proxectos tardan máis do previsto, pero non se improvisan. O goberno municipal non actúa segundo a moda que haxa en cada momento, como fai a concelleira do BNG.
Evidentemente, nós non utilizamos politicamente o noso traballo; somos o grupo de goberno e debemos facer as cousas ben e con responsabilidade. ‘Descubre Viveiro’ nada ten que ver coa páxina web de rutas creada polo BNG de Viveiro, con rutas sacadas de wikiloc e que, nalgúns casos, incluso pasan por sendeiros privados.
Nós traballamos con responsabilidade; a política municipal xa está inventada e trátase dun traballo de fondo. Nós estamos abertos a traballar con todos os grupos políticos, pero o que non vamos a permitir é que se engane, se manipule e se utilicen temas municipais con intereses políticos.
Lamentamos que a política do BNG en Viveiro sexa igual á que está realizando o Partido Popular, cuestión que nos estraña tendo en conta que o PSOE goberna co BNG nalgunhas institucións mantendo unha boa relación de traballo.
Considero que é unha forma de facer política que non beneficia aos veciños e veciñas de Viveiro.
María Loureiro García, alcaldesa do Concello de Viveiro
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
