Lugo, 24 de xuño de 2022.- O documental “Welcome to ma maison”, da produtora meirega Gaitafilmes, proxectarase durante este mes de xuño en Vilalba, A Pobra do Brollón, Foz e Chantada, dentro do Ciclo Mestre Mateo, promovido pola Academia Galega do Audiovisual coa colaboración da Vicepresidencia da Deputación.
Trátase do cuarto filme proxectado neste circuíto, que contempla a exhibición dos oito finalistas dos Mestre Mateo nas categorías de mellor longametraxe documental e mellor longametraxe de ficción, cunha proxección cada mes durante todo o ano.
O director Andrés Goteira e a produtora Laura Doval achegáronse esta tarde ao Pazo de San Marcos para presentar as proxeccións, que comezan este sábado na Unión, en Sarria, coa colaboración do cineclube Leslie Nielsen, e que valoraron como unha iniciativa moi interesante “para colaborar na difusión de producións en galego, especialmente documentais, que teñen difícil cabida nos circuítos comerciais”.
A vicepresidenta da Deputación, Maite Ferreiro, explicou que “coa proxección dos filmes nas diferentes comarcas apoiamos a difusión do cine galego entre a veciñanza, tratando de fidelizar público e xenerar unha demanda de audiovisual en galego que teña eco tamén nos circuítos comerciais” .
Ademais das cinco localidades da provincia, a través do Ciclo Mestre Mateo, o documental chegará a outros quince vilas de todo o país e a oito centros galegos do exterior.
“Welcome to ma maison”
Dirixido por Andrés Goteira, despois do éxito colleitado pola súa ópera prima Dhogs, o documental é unha viaxe real e ficcionada do actor Igor Fernández, quen, despois dunha crise, decide abandoar a interpretación para dedicarse á investigación cinematográfica. O seu proxecto de estudo da linguaxe das mans na filmografía de Nicolas Winding Refn, lévao a intentar coñecer en persoa ao cineasta danés, para poder escribir o capítulo final da súa investigación.
A película, producida por Gaitafilmes en colaboración con Mordisco Films, parte dun guión co-escrito por Igor Fernández e Andrés Goteira, quen tamén foi responsable da montaxe. A dirección de fotografía correu a cargo de Lucía C. Pan. Estreada na 59ª edición do Festival Internacional de Cine de Xixión, Welcome to ma maison tamén pasou por festivais como Play Doc e foi finalista na categoría de Mellor Documental nos XX Mestre Mateo.
Proxeccións
Vilalba – Sábado, 25 de xuño. Auditorio Municipal. 20.00 horas. Colaboran Instituto de Estudos Chairegos e Concello de Vilalba
A Pobra do Brollón – Sábado, 25 de xuño. Casa da Cultura Olga Novo. 20:00 horas. Colabora Concello da Pobra do Brollón.
Foz – Sábado, 25 de xuño. Casa da Cultura. (Hora por fixar). Colabora Concello de Foz.
Chantada – Sábado, 25 de xuño. Auditorio Municipal. 20.00 horas. Colaboran Airoá Comunicación e Concello de Chantada.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
