A institución provincial tamén está acometendo outro proxecto nesta vía que ascende a máis de 300.000€ para renovar o pavimento, por tramos, en preto de 11 quilómetros para mellorar a comodidade e a seguridade na estrada
Lugo, 28 de xuño de 2022. O Presidente da Deputación de Lugo, José Tomé Roca, anunciou este martes na Pastoriza xunto ao Alcalde deste municipio, Primitivo Iglesias, novos traballos de mellora que a institución vai acometer na Avenida Principal cun investimento de 363.000€. Uns traballos que xa se atopan en fase de licitación e que, previsiblemente, comezarán en setembro.
Tomé Roca detallou que as actuacións contempladas nesta estrada provincial, a LU-P-4401, servirán para dotar de novas beirarrúas ás marxes da vía, rehabilitar o firme, instalar nova sinalización mediante marcas reflexivas brancas e mellorar na iluminación. As obras faranse no treito da Avenida comprendido entre o seu inicio ata o punto quilométrico 1,550.
O mandatario provincial tamén comprobou o estado doutro proxecto que a Deputación está acometendo nesta mesma vía e que complementan os recén anunciados. Estase a arranxar, por tramos, o pavimento de preto de 11 quilómetros dende o punto quilométrico 0 ata o 10,9, e tamén se renova a pintura de toda a estrada por un importe de máis de 300.000€, o que redundará na mellora da comodidade e seguridade da vía.
Relevancia social
O Presidente da Deputación subliñou que esta é unha estrada cunha importante relevancia social, ao atravesar o núcleo da localidade. “É moi empregada pola veciñanza dos concellos da Pastoriza, Cospeito e Castro de Rei, pero tamén polas persoas que se desprazan pola comarca chairega”. Engadiu que esta actuación beneficiará tamén aos usuarios e usuarias das instalacións deportivas ás que dá servizo, como o polideportivo e as piscinas municipais da Pastoriza ou o campo de fútbol do Acebreiro.
O mandatario provincial subliñou na visita, na que tamén participou o Deputado de Promoción Económica e Social, Pablo Rivera, outras actuacións destacables en materia de mobilidade que nos últimos meses a Deputación acometeu no municipio. Tomé Roca apuntou as melloras realizadas na LU-P-1106 con preto de 170.000€, no treito que conecta Castro de Rei con Campo do Oso pasando por Reigosa.
Estas obras afectaron a uns 4 quilómetros da estrada, entre os puntos quilométricos 16,9 e 20,4, e consistiron na reapertura de cunetas, aglomerado en quente e sinalización horizontal. “Renovouse o treito desta vía porque soporta un elevado volume de tráfico, pois é moi utilizada pola veciñanza para comunicarse con Mondoñedo e os concellos da
costa. Ademais, soporta o tráfico que se dirixe a unha canteira situada no núcleo de Xemil, xustamente por onde transcorre a estrada”, indicou o Presidente.
A Deputación, coa Pastoriza
O Presidente enmarcou estas actuacións na “cooperación continua que mantemos co Concello da Pastoriza e con todos os municipios da provincia para que poidan ofrecer máis e mellores servizos ós seus veciños”. Subliñou que a Deputación destinou un investimento de preto de 3M€ só no que vai de mandato, e “vamos a seguir nesta liña de colaboración”.
Ademais do Plan Único de Cooperación cos Concellos, que este ano 2022 ascende a preto de 345.000€, e dos diferentes proxectos destinados a mellorar a mobilidade no municipio, a Deputación de Lugo asinou nos últimos meses tres convenios de colaboración con este municipio chairego. Un para a celebración da Festa da Bola de Liscos e Freces de Bretoña dotado con 3.000€, outro por importe de 2.600€ para a celebración dunha proba do Campionato Galego de Andadura, e un terceiro para a creación dun parque infantil e a realización dun estudo sociolóxico, un poemario e un libro sobre o municipio que ascendeu a preto de 50.000€.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
