O delegado territorial de Lugo, Javier Arias, sinalou que se consigna un orzamento de 200.000 euros para a adquisición de edificios no marco da área Rexurbe do municipio
Ribadeo, 8 de xullo de 2022. A Consellería de Medio Ambiente, Territorio e Vivenda mantén aberta ata o 15 de xullo a oferta pública de adquisición de inmobles no casco histórico de Ribadeo, co obxectivo de rehabilitalos e destinalos despois a vivendas de promoción pública.
O delegado territorial de Lugo, Javier Arias, explicou que a Xunta asignou un orzamento de 200.000 euros para mercar edificios neste municipio no marco da área Rexurbe declarada en decembro do pasado ano.
Arias sinalou que a Consellería está a levar a cabo unha campaña co lema Gañas ti, gaña Ribadeo, para animar aos propietarios a presentar as súas ofertas de venda. Para calquera dúbida que queiran consultar, teñen á súa disposición o número de teléfono 981 957 965.
A finalidade do Programa Rexurbe é adquirir inmobles que, estando inscritos no Rexistro da propiedade, cumpran cos seguintes requisitos: permitan que as futuras vivendas reúnan as condicións óptimas de confort e habitabilidade; non se atopen afectados por servidumes ou cargas, que poidan facer inviable a actuación; e que os custos de rehabilitación non resulten desproporcionados.
Un dos criterios que se ten en conta para a adquisición dos mesmos é o interese da área na que se atopen, dando prioridade aos edificios que teñan un valor arquitectónico especial que aconselle a súa recuperación, aqueles cuxa rehabilitación poida contribuír de xeito especial á rexeneración da zona onde estea emprazado e ás ofertas que contemplen a recuperación dunha mazá completa.
A convocatoria deste ano prima a aqueles concellos que xa teñen declarada unha área de rexeneración urbana de interese autonómico —área Rexurbe—, onde existe un maior número de edificacións ou solares en estado de abandono ou semiabandono.
Ribadeo foi a quinta área Rexurbe declarada en Galicia e abrangue un ámbito de 407.000 m2, onde se identificaron 1.059 edificios e 1.390 vivendas. O obxectivo é abrir o centro histórico ao porto, mediante a rexeneración dos espazos verdes, e adecualo aos distintos sectores de idade de poboación e sobre todo para conectalo co mercado local e de servizos.
Distribución orzamentaria
As outras áreas Rexurbe de Galicia son as da Coruña, Ribadavia, Tui, Ferrol -a máis recente, de xaneiro de 2022- e Mondoñedo. Esta foi a primeira que se aprobou na comunidade e o proceso está máis avanzado. Recentemente adxudicouse -por un importe de preto de 360.000 euros-, a redacción dos proxectos de rehabilitación e dirección de obra dos 13 edificios que xa son propiedade do Instituto Galego da Vivenda e Solo (IGVS) a raíz da oferta de compra lanzada no ano 2020.
A oferta actual do Programa Rexurbe conta cun orzamento global de 2 millóns de euros para adquirir inmobles en 5 concellos: A Coruña, Ferrol, Ourense, Ribadeo e Tui. No caso de non esgotarse o crédito previsto para un determinado municipio e se, ao mesmo tempo, o orzamento inicial previsto para os demais resultase insuficiente, poderá variarse o importe consignado a cada un.
Daniel Vega, voceiro local do PP e deputado autonómico, acompañou ao delegado territorial da Xunta na súa visita a Ribadeo para lembrar que continúa aberto o prazo, ata o 15 de xullo, para que os propietarios de vivendas en estado de abandono situadas na Área Rexurbe de Ribadeo comuniquen á Xunta a súa proposta para venderlle eses inmobles. Posteriormente, a administración autonómica rehabilitará esas vivendas para dirixilas a alugueiro social.
Vega destaca “a oportunidade” que supón o programa Rexurbe da Xunta tanto para os propietarios coma para o propio casco histórico ribadense: “pasariamos de ter casas en ruinas a poñelas a disposición das persoas que queiran alquilalas e que, polo tanto, lle darán vida ao noso casco histórico”.
“A declaración da Área Rexurbe é o mellor que lle puido pasar ao casco histórico de Ribadeo. Significa máis inversión para o noso pobo e tamén unha gran oportunidade que debemos saber aproveitar. O casco histórico debe e ten moito futuro”, conclúe.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
