Ribadeo, 22 de xullo, 2022. De todos e todas é coñecida a actitude que amosou José Manuel Balseiro cara á construción da actual Residencia de Persoas Maiores de Ribadeo. A súa estratexia foi a de acusar ao alcalde de Ribadeo, Fernando Suárez Barcia, de ser o principal obstáculo para a construción de dita residencia. Todo o mundo sabe en Ribadeo do penoso, patético e lamentábel papel xogado polo PP con respecto á construción de dita residencia. Até tal punto, que mesmo os concelleiros do PP en Ribadeo, en dous mandatos distintos e consecutivos, acabaron deixando de lado esa actitude irracional e vingativa de Manuel Balseiro cara á poboación ribadense en xeral, e os seus maiores en particular.
Tamén lembramos perfectamente a resposta dada desde a Consellaría de Benestar a unha comisión de veciñas e veciños ribadenses sobre a construción dunha residencia de maiores en Foz e non en Ribadeo. Desde esa comisión preguntábanlle á conselleira daquel momento por que non tamén en Ribadeo. E a conselleira respondeu taxativamente, e de xeito literal, que a residencia de Foz era unha aposta persoal do señor Feijoo.
Non sabemos se o deputado Daniel Vega é tamén unha aposta persoal do señor Feijoo, pero desde logo, o noso veciño pórtase como se a súa función fose simplemente satisfacer as necesidades políticas do señor Balseiro, e agora tamén do señor Rueda, pois día si dia tamén non fai máis que poñerse ao servizo do goberno da Xunta para este poderlle facer oposición ao goberno municipal do BNG. Ben se trate dunha herdanza recibida polo concello, ben se trate de lograr o apoio económico da Xunta para a reforma do Hospital Asilo, o señor Daniel Vega entra nun terreo lamacento facendo unha oposición mesquiña e creando mil e unha insinuacións, cada unha das cales se vai diluíndo co paso do tempo. Pero iso, ao señor Vega, pouco lle importa, pois xa logo preparará outras para volver a comezar e marear o peixe con outras historias polo estilo. Boten contas das andrómenas que leva contado e cantas acabaron esfarelándose… Todas! O falar non ten cancelas.
Para colmo de colmos, eríxese en inspector, ademais do seu consabido cargo de “presidente de comisión” (así se ten definido e presentado en sesión plenaria no Concello de Ribadeo nalgunha ocasión), e reclámalle ao concello información, como se el, Daniel Vega, fose membro do goberno da Xunta e os demais tivesen que render contas ante el. Ás veces non se ve moi ben se a oposición ao goberno municipal de Ribadeo a encabeza o PP de Ribadeo ou o goberno da Xunta. Desde o BNG de Ribadeo sabemos que o goberno municipal de Ribadeo deu información sobre o proxecto de reforma do Hospital asilo. Xa o fixeron nas distintas fases de redacción do proxecto que deben ser presentadas preceptivamente ante a Consellaría correspondente. Non lle quede a menor dúbida á Xunta de Galicia de que, se está disposta a abordar un convenio específico de colaboración co Concello de Ribadeo para encarar conxuntamente a reforma integral do Hospital asilo de Ribadeo, en colaboración con outras institucións (como o goberno do Estado, por exemplo), alí estará o grupo municipal do BNG de Ribadeo para emprender construtivamente o tema.
Que Daniel Vega queira marear de novo o peixe apelando a subvencións de concorrencia competitiva específicas para a construción, reforma ou ampliación de equipamentos municipais (cun tope de subvención que queda lonxe da cantidade necesaria par abordar esta reforma integral do Hospital asilo), demostra unha vez mais a pouca consideración que ten cara aos veciños e veciñas de Ribadeo. Mire: non se lembra que o goberno municipal de Ribadeo pediu unha subvención para reformas parciais de distintas dependencias municipais e foille denegada? Vostede está a poñerse a venda antes da ferida porque algo debe intuír que vai pasar, algo negativo para Ribadeo e as súas persoas maiores. Fágase un favor: aprenda dos seus compañeiros e compañeiras de anteriores mandatos e defenda os intereses dos nosos maiores e as súas familias.
No BNG de Ribadeo, o goberno municipal que sustentamos, con Fernando Suárez Barcia á cabeza, temos claro que queremos lograr cousas para Ribadeo e estamos dispostos a falar con todo o mundo. Tivemos ocasión de demostralo ao buscarmos entre todos como lograr un novo centro de saúde. Si: ese que vostede dicía (ao máis puro estilo Balseiro) que non queriamos construír. As súas andrómenas nesta ocasión, de pouco lle valeron.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
