Propoñen abrir un proceso de diálogo cos profesionais para deseñar conxuntamente ofertas de emprego con criterios de discriminación positiva no deseño das OPE, e que se comprometa a convocar todas as prazas MIR adxudicadas
Lugo, 22 de xullo de 2022. O Partido Socialista denuncia o panorama desolador da Atención Primaria na provincia de Lugo, que a Xunta ten baixo mínimos, co conseguinte prexuízo para os veciños e veciñas, e propón solucións. Por iso, o grupo provincial do PSdeG na Deputación de Lugo reclamará ó Goberno galego no vindeiro Pleno a través dunha moción que adopte medidas inmediatas, “como unha convocatoria extraordinaria de especialistas en medicina de familia para resolver as deficiencias xeradas no sistema sanitario, sobre todo durante o verán”.
O PSdeG solicita “que se cubran as baixas, os períodos de vacacións e as xubilacións, e que se remate a práctica de parcheo consistente en pechar puntos de atención médica nuns sitios para derivar ó seu persoal a outros centros, como aconteceu na nosa provincia. Concretamente o Executivo do PP pechou os centros de saúde de Castro, en Carballedo; o de Parga, en Guitiriz; o de Castro de Rei; e o de Baamonde, en Begonte, como xa denunciamos no Parlamento con diversas iniciativas. Esta é a caótica situación sanitaria que nos deixa o PP”, insisten.
Exemplo de Cervo
Así mesmo, lembran os casos recentes de Cervo, Sarria e Barreiros, onde os veciños e veciñas se están mobilizando para reivindicar uns servizos suficientes e dignos. No caso de Cervo, o centro de saúde de San Cibrao tiña tres médicos, pero fóronse xubilando e só queda un; mentres o centro de Cervo tamén ten só un médico. Agora, a Xunta pecha dous días á semana o centro de Cervo, para que o seu médico vaia a San Cibrao e obriga a todos os pacientes a desprazarse alí. “Este é o modelo do PP, parchear, recortar sen aportar medidas e solucións eficaces e estruturais”, afirman dende o PSdeG.
Proceso de diálogo cos profesionais
O partido explica que a través da propostas que levarán ó Pleno da Deputación queren que se abra un proceso de diálogo cos profesionais do sistema sanitario “para deseñar conxuntamente ofertas de emprego con criterios de discriminación positiva no deseño das OPE, co fin de cubrir as prazas que necesitan tanto os hospitais comarcais como o conxunto de centros do sistema sanitario no rural”; que se abra un proceso de diálogo co persoal titor para incrementar o número de prazas de formación que oferta Galicia e que a Xunta se comprometa a convocar todas as prazas MIR convocadas polo Goberno do Estado.
Sobreesforzo do persoal sanitario
O Grupo Socialista da Deputación de Lugo quere deixar constancia unha vez máis da profesionalidade e do sobreesforzo de todo o persoal da sanidade pública lucense e galega. As súas demandas, coma as queixas que presentan os e as pacientes, non poden ser ignoradas por un executivo autonómico que carece dun modelo sanitario racional que de resposta ás necesidades da poboación de Lugo.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
