O PP local lembra tamén que “o goberno local PSOE-BNG tampouco solicitou axuda para a brigada municipal contra incendios” o que demostra “o seu total abandono”
A Pastoriza, 28 de xullo de 2022. O PP da Pastoriza lamenta que o goberno local bipartito PSOE-BNG “deixara escapar a oportunidade” de solicitar á Xunta unha axuda para mellorar ou dotar dunha nova pista multideporte a algún dos colexios do municipio.
Os populares explican que “os Concellos galegos dispoñían ata o 27 de xuño para solicitar esta subvención que, no caso daqueles con menos de 5.000 habitantes como é o caso da Pastoriza, suporía o 85% da contía do proxecto ata un máximo de 85.000 euros. Pero o goberno local non o fixo. Están a outra cousa”, engaden.
O PP local cre que “a falta de diálogo entre as dúas partes do goberno municipal da Pastoriza supón prexuízos para os veciños e veciñas que vemos como, neste caso, se perde a oportunidade de contar cunha nova infraestrutura lúdico-deportiva”.
Os populares lembran que “a Xunta financiará a construción de novas pistas multideporte en 12 municipios da provincia gobernados por distintos partidos políticos”. Nese sentido, consideran que “o goberno local debería ter máis vontade de traballo conxunto para velar polos intereses dos veciños e veciñas”.
Deporte e vida saudable
“Non podemos entender que o goberno da Pastoriza non estea interesado en que o Concello dispoña dun espazo polifuncional que permita a práctica de, polo menos, cinco deportes de forma que se promova a vida saudable entre o alumnado; pero tamén entre a poboación en xeral”. Porque, segundo lembran “existe un acordo entre a Fegamp e a Consellería de Educación que regula a apertura das instalacións deportivas para o seu uso por parte da cidadanía fóra do horario escolar”.
Tampouco solicitaron brigada contra incendios
A mediados do mes pasado, os populares tamén amosaban a súa desconformidade con que o goberno local non solicitara este ano ante a Xunta a axuda para contratar a unha brigada municipal de prevención e loita contra incendios forestais. “Xa van dous veráns nos que A Pastoriza non conta con brigada porque non a solicitaron”, explican. “É outra mostra máis do abandono por parte do goberno do PSOE e do BNG”, conclúen.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
