Os populares din que os vertidos directos ao mar de augas residuais son moi numerosos debido a que a rede de colectores non chega a todas as casas e ten fallos no seu funcionamento
Viveiro, 26 de agosto de 2022. A rede de saneamento de Viveiro é unha obra inacabada e non se debe ao crecemento urbanístico da cidade, paralizado debido a incapacidade do goberno local para aprobar o Plan Xeral de Ordenación Municipal. O saneamento está sen acabar e por iso hai moitas casas de Viveiro que verten directamente as augas residuais ao mar. Así o pon de manifesto o portavoz popular, Óscar Rodríguez, á vista das queixas veciñais que recibe, por tal motivo, o PP, e das comprobacións feitas persoalmente. Rodríguez anuncia a presentación dunha moción, para o seu debate no próximo pleno, co fin de aprobar a redacción dun plan para o saneamento integral de Viveiro, a executar en varias anualidades.
Rodríguez alégrase de que, por fin, tras as queixas dos veciños e a presión exercida polo grupo municipal do PP, o goberno local, decida, segundo anuncia a alcaldesa, estender a rede de sumidoiros ás casas de As Aceas que actualmente verten directamente á ría. Sinala: “O das Aceas é só a punta do iceberg dos déficits inmensos do saneamento de Viveiro; é unha verdadeira vergoña que, a estas alturas, teñamos que denunciar vertidos directos ao mar de augas residuais domésticas porque nas zonas nas que están non hai colectores, non hai rede de sumidoiros”. Engade: “Por iso imos defender na próximo pleno a elaboración dun plan para o saneamento integral de Viveiro, a executar en varias anualidades. O que está claro é que isto non pode seguir así, debido a incapacidade de xestión, especialmente en materia de infraestruturas, da alcaldesa Loureiro e do seu equipo”.
O portavoz popular explica: “Puxemos de manifesto a inexistencia da rede de sumidoiros en As Aceas. Pero hai moitos máis casos, por exemplo en A Veiga, na parroquia de Magazos. O malo é que as carencias nun servizo tan básico e necesario como é o saneamento son moitas máis”.
Como exemplo de cal é a situación en materia de saneamento, o popular Óscar Rodríguez di que no peirao de Viveiro prodúcense cada certo tempo vertidos de augas residuais.
Rodríguez sinala: “O aprecio que ten o goberno presidido pola socialista María Loureiro con respecto á conservación do medio ambiente queda patente nas carencias da rede de sumidoiros da cidade. Falan moito de medio ambiente, pero quédanse nas palabras. Esperemos que apoien a moción que imos presentar para redactar un plan para o saneamento integral de Viveiro”.
.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
