Ribadeo, 30 de agosto de 2022. O Concello de Ribadeo seguirá a colaborar cos traballos arqueolóxicos na ría. A alcaldesa en funcións, Mónica Freire, e os concelleiros de Turismo e de Cultura, Pablo Vizoso e Pilar Otero, asistiron este mediodía no porto á presentación do último achádego localizado. Trátase dos restos dunha barca medieval de pasaxe, que supoñen a primeira proba material do transporte usado na peregrinación a Compostela. No acto participaron o arqueólogo Miguel San Claudio e o delegado territorial da Xunta en Lugo, Javier Arias.
A rexedora declarou que “o Concello está colaborando xa desde hai moito tempo con estes traballos de arqueoloxía. Queremos poñer en valor estes achádegos porque ademais da súa importancia histórica e patrimonial promocionan o nome de Ribadeo”.
Freire Rancaño indicou que “desde o Concello de Ribadeo vamos seguir colaborando en todo o que poidamos e traballando tamén con este tipo de iniciativas, como xa fixemos en anos pasados cunha axuda que solicitamos ao GALP. Este proxecto denominado Retornos do Pasado ten o propósito de estudar os restos arqueolóxicos que se conservan no fondo do porto de Ribadeo para coñecer a nosa historia e a nosa cultura”.
A alcaldesa ribadense lembrou que “continuando coas accións levadas a cabo no marco deste proxecto para o estudo e difusión da cultura marítima de Ribadeo ao longo dos últimos tempos, o pasado 26 de agosto tivo lugar unha charla de Miguel San Claudio para difundir os novos achádegos. Foi un encontro moi interesante, onde se puideron ver os elementos atopados así como coñecer e aprender sobre a historia do galeón afundido”.
E engadiu que “na mesma liña, este próximo sábado, 3 de setembro, terá lugar unha nova charla seguida de inmersións para coñecer de primeira man os tesouros agochados na nosa ría. Para poder participar é preciso contar con título de mergullo e seguro. A xornada comezará no Club Náutico de Ribadeo a partires das 8 da mañá e será unha oportunidade para coñecer e gozar da riqueza arqueolóxica da ría, un dos recursos máis importantes da nosa zona”.
A barca medieval localizada foi construída entre os anos 1050 e 1260 e era empregada para cruzar a ría de Ribadeo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
